Tati pu trahuluupalu ñi quimnieal

ADCÜNUCHEQUELU. Tati pu adcünuchequelu quelluaimu. Cüme allcütufinge chumngechi adcünumequeingün cheu ñi elngequem auto, cheu ñi rupaquen tati pu che, ñi guardacünual huancu ca fillque dungu.

FAUTIZANGEAL. Feipingenole ca dungu, ti huancu tati pu fautizahualu ñi anüleam, dullicünungei itrotripa cheu ñi hueupingequem. Tati pu fautizahualu mülei ñi anüleal engün, petu ñi hulngenon tüfachi hueupin sabado pulihuen mu. Com engün mülei ñi cüpalal quiñe toalla ca cüme raquiduamal chumngechi tucutuhuaingün ñi fautizahual.

QUELLUNTUCUAL PLATA MU. Tüfachi trahun mu fentren plata gastangequei taiñ nieal cümeque huancu ca taiñ nieal itrofill dungu, fei taiñ cüme allcütual ca peal video. Com tüfa quelluqueiñmu taiñ cümelcaleal tüfachi trahun mu, fei taiñ doi fülcüleal Chau Jehová mu. Tamün hulqueelchi plata quelluntucuquei ñi cullial tüfachi trahun ca tati amuldungun cüdau com huall mapu püle. Fill püle tüfachi Trahunhue Ruca mu cüme quimfali cheu ñi mülen caja taiñ tucual plata. Huelu cafei, hulafuimi plata internet mu, conafuimi donate.jw.org. Mañumfali com tamün hulqueel. Tati Troquiñ Adniechequelu rume mañumcülei tamün ayühunquechi quelluntucuquen plata mu, fei ñi femtripayal Chau Dios tañi ayüqueel.

TROQUIÑ QUELLUCHEQUELU. Tüfa mu quellungequei ta che ruparumele huesa dungu müten.

ÑAMCÜLECHI HUESAQUELU. Ñamümülmi tami huesaquelu, tüfa meu quintupayafuimi. Ca pefilmi quiñeque huesaquelu, fei quimnolmi ineingei, yeafimi tüfachi troquiñ guardaquelu ñamcülechi huesaquelu, fei ñi huiñoleltuafiel tati che ngen-ngelu. Ca cüpalngepe tüfa mu pu pichiqueche ñamquiyaulu. Pu chau, pu ñuque, cüme cuñiutucuafimün tamün pichiqueche, fei ñi rupanoal huesa dungu.

HUANCU. Cüme duamtuafimi caquelu che. Guardacünuafuimi huancu ñi anüal tami familia, tami pu estudiante ca tati pu che cüpalu tami auto mu, tüfa engün müten guardayafuimi huancu. Elcünulayafimi tami huesaquelu duamnienolmi ti huancu.

TI CÜPA QUELLUQUELU. Cüpa quelluntuculmi fillque cüdau mülelu tüfachi fütra trahun, amuaimi tüfachi troquiñ nielu informacion ca adcünuquelu pu che cüpa quelluntuculu.

Tati Troquiñ Adniequefilu pu Dunguquelu Ineingen Jehová pepicafi com tüfa