“Venga tu Reino”, fentren che llellipuquei tüfa
Eimi quimniepelafimi ti padrenuestro pingechi llellipun. Fütra cuifi ca fantepu meu fentren che llellipuquei: “Venga tu reino”, mapudungun mu tüfa feipi: “Cüpape tami ngünenietual mapu”. ¿Chumngelu femngechi llellipuquei pu che? Jesús feipifi tañi pu inanieteu ñi femngechi llellipual, fei ñi ngünenietual Chau Dios ta mapu.
Cuifi meu, pu discipulo nehue adümquelafuingün ñi feipiel Jesús feitachi Reino mu. Raquiduamquefuingün feichi mu Chau Dios ñi ngünenietual Israel mapu meu, fei ramtufingün: “Ñidol, ¿famülque mu huiñoleltuafimi ta Israel ñi ngünenieal?”. Huelu Jesús pürüm huiñoldungufemlaeyu (Hechos 1:6, 7). ¿Iñchiñ cai? ¿Quimniepeiñ mai chumül ca chumngechi ñi ngünenietual Chau Dios? Quimiyiñ llemai.
Tüfachi revista mu quimaimi tüfachi dungu:
¿Chem am Chau Dios tañi Reino?
¿Chumngelu duamnieiñ Chau Dios tañi Reino?
¿Inei loncolei tüfachi Reino mu?
¿Chumül ngünenietuai Chau Dios?
Ngünenietule Chau Dios, ¿chem cümeque dungu femürpuai?
¿Chumngelu doyümquefiyiñ Chau Dios ñi Reino?