We ad nietuy tati pichike papil
1. ¿Chem papil taiñ amuldungual we ad nietuyngün?
1 Tati pu Dungukelu Iney Ngen Jewba ñi fütra trawün küla antü ngelu 2013 tripantu mu “Dio tañi Dungun feyta rüf dungu tati” pingelu, tüfa mew pengelngey kechu weke pichike papil, ka rupachi antü mu fey wüla tripay tati papil Müley dungu tati Ngünenien mu pingelu numero 38, feypilelu ¿Felepey may tati pu layelu ñi wiñomongetual? ka tati papil ¿Chem am chi Chaw Ngünechen ñi Ngünenien? Tüfachi regle weke pichike papil we ad nietuy ka ayüfalngey. ¿Chumngelu kakewngey ñi ad? ¿Chumngechi allmalltuafuiñ ñi yenieal tüfachi weke papil taiñ amuldungual fill ruka püle?
2. ¿Chumngechi kelluaeiñmu tati weke papil?
2 Chumngelu we ad nietuy. Taiñ küme amuldungual fill ruka püle, müley taiñ femal meli dungu: 1) llitual tati nütramkan ramtuafuiñ tati che ñi feypial tañi rakiduamkülen, 2) pengelaiñ Biblia tañi feypilen, 3) eluafuiñ kiñe papil tati che ñi papeltual, ka 4) elkünuafuiñ kiñe ramtun taiñ wiñoldungual pemetufiliyiñ ti che, ka adkünuwaiñ taiñ pemetuafiel. Tati weke papil kellunieeiñmu taiñ inanieafiel tüfachi dungu küdawngenon mu.
3. ¿Chumngechi eluafuiñ ti weke papil amuldungun mew?
3 Chumngechi adümafuiñ. Chaliafimi tati che, fey 1) pengelelafuymi tati ramtun ti wünen pagina mülelu ka fillke wiñoldungun nielu, fey ti che ñi feypial tañi rakiduamkülen, 2) nülange ti pichi papil ka pengelaymi “Biblia ñi feypilen” tamu nütramkawal. Fey pepilngele, papeltulelafuymi ti versikulo Biblia mew, kafey tati che aporiawkülenole, inaduamafuymu ti trokiñ feypilelu “Chumngechi kümelkayafeymu”, 3) eluafimi tati papil ka feypiafimi tañi papeltual wüla kom chi papil, 4) petu tami amutunon pengelelafuymi tati ramtun inan pagina mülelu chew feypiley “Ramtuwnge”, ka adkünuwaymu tamu inaduamal Biblia ñi wiñoldungun ka antü.
4. ¿Chumngechi tati weke papil kelluaeymu tami pemetuafiel ti che?
4 Doy adümfalngey tami pemetuafiel tati pu che. Papeltuafuymi tati versikulo inan pagina mülelu tami wiñoldungual ti ramtun tami elkünuel, ka pengelelafuymi chew ñi mülen ti papil Kümeke dungu ti pichi papil mew. Pengelelafuymi ti papil ka tati kimeltun tañi doy kimal ti inaduampeelchi dungu mew, fey eluafimi ti papil. Llowfile, adkünuwaymu tamu trür papeltual ka antü. ¡Fewla llemay kiñe chillkatun Biblia nierpuymi! Ka elunofilmi ti papil Kümeke dungu, eluafuymi kangelu pichi papil tamu mür inaduamal ka antü.
5. ¿Tunte falin-ngey tati pichike papil taiñ amuldungukeel?
5 Dew pataka küla mari tripantu mekeiñ taiñ wülkeel tati pichike papil taiñ amuldungun mew. Kakewngey ñi ad ka ñi chumngen, welu müna kellunieeiñmu taiñ amuldungual. Feymu, eluwaiñ taiñ adümniefiel tüfachi weke papil, femngechi taiñ wüldungual wall Mapu püle Biblia tañi kimün (Prov. 15:7a).