Pichike papel mew entuaiñ taiñ nütram

Feychi enero küyen 2018 tripantu ta fantepu mu, ti wünen pagina Ti papel taiñ pepikawam pengelkey chem nütramkayafiel tati pu che amuldungun mu. Fey ngülamtungekeiñ taiñ re wülnoal papel amuldungun mu, welu may taiñ doy entual nütram. Taiñ femürpual tüfa, müley fillke video pengelkey chumngechi ti amuldungukelu re pünekey Biblia ñi amuldungulelafiel ta che. Tüfa, ¿küpa feypi taiñ wülwenoal fillke papel amuldunguliyiñ fillke ruka mu? ¡Turpu! Tati pichike papel, tratado pingelu, müna kelluafeiñmu taiñ entual nütram amuldungun mu. Fey inayafuymi tüfachi ngülam:

1. Pengelelafuymi ti che tati ramtun mülelu wünen pagina mew, fey feypiafuymi: “¿Chuchi tüfachi küla dungu dulliafuymi ñi feyngen?”.

2. Fey pengelelafimi chem pin tati Biblia mülelu ti inan pagina mu. Tati che niele tiempo, papeltulelafuymi kakelu dungu ñi wirikonkülen ti pichi papel mu.

3. Fey wüla, eluafimi ti che ti pichi papel, “pewmangen papeltuaymi ti papel” piafuymi.

4. Petu tami amutunon, pengelelafuymi ti ramtun mülelu ti trokiñ “Ramtuwnge”, fey “ka antü ngüneduamafuyu tüfa” piafuymi.

Wiñopemetufilmi ti che, mür ngüneduamaymu chem tami ramtukünuel, fey wüla ka dungu ramtukünuafuymi tami wiñotual ka antü mu. ¿Chem ramtukünuafuymi ti che? Kiñe ramtun mülelu taiñ sitio internet mu kam kiñe ramtun wirikonkülelu ti papel mülelu furitu ti pichi papel mu. Fey kümefule, pengelelafuymi ti papel ¡Kümeke dungu küpalu Dio mew! kam kangelu papel kam lifru ñi chillkatungeal mülelu ti trokiñ fillke kellu taiñ kimeltucheal.