¿Chumngechi inayafuymi ti trokiñ “Chem nütramkayafuiñ”?

Feychi enero küyen 2018 tripantu mu ka fantepu mew tripakey ti trokiñ feypilu “Chem nütramkayafuiñ”. Tüfa müley ti wünen pagina tüfachi papel mew, Taiñ Mongen ka Taiñ Amuldungukeel, ti papel taiñ pepikawam pingelu. ¿Chumngechi inayafuymi ñi feypin tüfachi trokiñ?

Koneltulmi ti trawün “Küme kimeltuchefengeaiñ”: Ti trokiñ “Chem nütramkayafuiñ” müley kiñe ramtun, kiñe texto ka kangelu ramtun tami wiñotual. Kafey fill küyen tripakey video pengelkelu chumngechi femngeafel ti nütramkan. Welu duamfal-lay tami kom inayentuafiel. Wirintukungenole rume, kakelu dungu mew nütramkayafuymi ka pengelafuymi kiñe dungu mülelu ti fillke kellu taiñ kimeltucheal.

Amuldunguchelmi: Ti wünen nütramkan mülelu ti trokiñ “Chem nütramkayafuiñ” müna kelluafeymu tami amuldungucheal. Fey ti che doy küpa kimle, nütramkalelafuymi kütu ñi feypin ti trokiñ “Wiñopemetuafiel ti che”. Welu kakelu dungu mew nütramkayafuymi amuldungun mu. Inayafuymi kiñe nütramkan dew tripalu ti trokiñ “Chem nütramkayafuiñ”. Pengelafuymi kiñe texto tañi doy duamniefiel pu mapuche. Kafey nütramkalelafuymi ta pu che kiñe dungu ñi rupan newe chumül. Feley llemay, chumngechi rume amuldungulmi, eluwnge tami kelluafiel itrofill che, fey tañi kimal ta Chaw Jewba (1Ko 9:⁠22, 23).