Petu amuldunguyngu inafül Monrovia, Liberia mapu mu.

Chem nütramkayafuiñ

●○○ WÜNEN NÜTRAMKAN

Ramtun: ¿Kellupeafeiñmu may Biblia famülke mu?

Papeltual: 2Ti 3:16

Tami wiñotual: ¿Chem nütramkakey Biblia?

○●○ WE AMULU TAMI WIÑOPEMETUAFIEL TI CHE

Ramtun: ¿Chem nütramkakey Biblia?

Papeltual: Mt 6:10, TNM.

Tami wiñotual: ¿Chumay Chaw Ngünechen ñi Ngünenien?

○○● EPUCHI RUPA TAMI WIÑOPEMETUAFIEL TI CHE

Ramtun: ¿Chumay Chaw Ngünechen ñi Ngünenien?

Papeltual: Da 2:44

Tami wiñotual: Rupale tüfa, ¿chumlerpuay ti Mapu?

Tüfachi küyen ka tati küpayelu, ti trawün semana mu feypingewelayay chumngechi pengelal kakerume papel. Doy may Taiñ Mongen ka Taiñ Amuldungukeel, ti papel taiñ pepikawam pengelay chumngechi taiñ nütramkayal, tüfa nieay kiñe ramtun, kiñe texto ka chem taiñ ramtual ñi wiñopemetual. Semana mu pengelngeay kiñe video müten kimeltukelu chumngechi taiñ nütramkayal. Ti wünen nütramkan mu kam ñi wiñopemetufiel ti che, kom pu amuldungukelu dulliafuy chem dungu pengelay ka chumül ñi pengelal, tüfa entungeay ti Fillke kellu taiñ kimeltucheal. Ka femngechi ti papel taiñ pepikawam kimeltuaeiñmu chem taiñ feypial ñi wiñopemetuafiel ti che epu rupa. Tüfa kelluaeiñmu taiñ doy küme küdawal ñi kimeltuafiel pu che eluwkülelu “tañi llowael ta rumel mongen” (Hch 13:48).

Pu niealu elfal küdaw trawün mu: Feypingenole ka dungu, ti chillkatukelu pengelay ti nütramkan wünen pagina mu mülelu.