¿Pepikawmekeymi ñi tukulpangeal Jesu ñi lan?
Ti 13 konchi Nisan küyen 33 tripantu mu, Jesu kimniefuy ñi niewen kiñe pun müten tañi müleam tañi pu weni engün petu ñi langümngenon. Kidu tukulpakeafulu tañi inan-ngechi Paskua ñi müleal tañi inanieetew engün, feymu feypikünufi ñi femal engün kiñe we tukulpangekeal chi trawün, Jesu tañi Ilelkawün pingelu. Fente falin-ngelu am ti tukulpan duamngey ñi küme pepikawal. Feymu Jesu werküfi ta Pedro ka Juan ñi pepikayal chew ñi trawüam (Luk. 22:7-13). Feychi antü mu tuwi tüfachi trawün, fey fill tripantu tati pu inayerpufilu Jesu, duamlu ñi tukulpan müley ñi pepikawküleam feychi antü mu (Luk. 22:19). Fülkülepan mu fey 3 konle Abril küyen ñi tukulpangeal Jesu ñi lan, ¿chem fillke dungu müley taiñ pepikayal?
¿Chumafuy kom chi trawünche?
Küme pepikawnge tami koneltuam kom chi küdaw mu ñi mangelngeam pu che ñi amual ti tukulpangeam Jesu ñi lan.
Wirintukunge kiñe papel mu tunten chillkatukelu Biblia nieymi, ka tami pu che, tami kompañ kolegio mu, tami kompañ küdaw ka kimnieelchi che tami mangelafiel.
Papeltunge ka ngüneduamnge ti Biblia nütram koneltulu ti Tukulpan dungu mu.
Pepikawküleaymi tami küme llowafiel tati pu witran amualu ti Tukulpan trawün mu.