¿Pepikawküleymi ñi acordayal Jesus tañi lan?

Ti inan Pascua petu ñi lanon Jesus, rume falin-ngefuy ¿chumngelu? Jesus elkünuy kiñe we trawün ñi acordangeal kidu tañi lan. Feychi antü trawüluwi tañi discipulo engün. Welu petu ñi femngenon ti trawün, werküfi ta Pedro ka Juan ñi pepikayafiel kiñe cuartu ñi femngeal ti Pascua (Lu 22:⁠7-13; pefinge ti wünen adentun). Ka femngechi iñchiñ pepikawkülekeiñ acordayafiel Jesus tañi lan. Ti 27 konchi marzo küyen trawüluwaiñ. Pu longkolelu dew adniepelay fillke dungu ñi femngeal tüfachi trawün: iney wewpituay, iney küpalay ti kofke ka ti pulku kam kakelu femngechi dungu. ¿Iñchiñ kay? ¿Chumngechi pepikawafuiñ tüfachi falin trawün mew?

Pengelaymi tami mañumkülen Jesus ñi lan mu. Papeltunge ka rakiduamnge feychi texto dullingelu ñi papeltungeal. ¿Chew peafuymi tüfachi fillke texto dullingelu? Peafuymi tati papel Fill antü ngüneduamaiñ tati Biblia pingelu kam peafuymi tati Apéndice B12-A ka B12-B mülelu La Biblia. Traducción del Nuevo Mundo wingkadungun mew. (Ka peafuymi Taiñ Mongen ka Taiñ Amuldungukeel, ti papel taiñ pepikawam abril, 2020). Pu familia peafuyngün tati Índice de publicaciones de la Watch Tower kam ti Guía de estudio para los Testigos de Jehová. Tüfachi epu papel kelluafeyew ñi doy mañumafiel Jesus ñi wülün ñi mongen.

Mangelcheaymi. Eluwkülenge tami invitayafiel ta che ñi amual. Welu, ¿ka chem chumafuymi? Ka mangelafuymi feychi che tami nütramkamefiel Biblia ñi dungu, pu chillkatuwenolu Biblia, tami pu weni kam tami pu pariente. Pu longkolelu ka femngechi mangelafingün pu trawüluw-wenolu. Kiñe che kañpüle mülelu ayüle ñi trawüluwal, eymi konafuymi jw.org mu ka pütafnge ti trokiñ IÑCHIÑ TAIÑ DUNGU ka fey wüla pütafnge chew feypi “Trawün ñi acordangeal”. Femngechi feypiafimi chew ka chem hora mu trawüluwafuy fey ti che.

¿Ka chem dungu chumafuymi tami doy küme pepikawküleal?