Chumngechi amuldunguafuiñ chew ñi pengelngekem lifru mu

Chew pengelngekem lifru amuldungun mu pengeli ñi tutelkalen tati pu küme piwkengeyechi che ñi kimam tati rüf dungu (Juan 6:44). Feymu feypingey tati pu longkolelu adkünual ti amuldungun chew ñi rupaken alün che, tati trawünche ñi lof mew. Chew ñi pengelngekem lifru amuldungun mew kiñe mu müten elngekelay, feymu duamngelay dungumeal tati pu awtoridad mu ñi feypial chew tañi müleal. Welu, tati awtoridad pile ñi feypingeal chew ñi müleam tati pengelngekem lifru, müley ñi femngeal. ¿Iney engün am koneltuafuy tüfachi amuldungun mu? Küme pepikawkülechi pu amuldungufe, ka müley ñi küme adküleal ka küme pepikawkülelu nütramkayal. Fewla peaiñ chem taiñ femafel ka femnoafel doy küme wechutripayal ti amuldungun mu.

Chem müley taiñ femal:

Wenifalngeaymi, küme llowcheaymi, ka poyechengeaymi tati pu che ñi rupameken fey püle. Kiñeke amuldungufe ayelen mu chalikeyngün, ka wenikawün dunguchekeyngün. Kiñe che rupamekelu, adkintule chew ñi pengelngekem lifru, feypiafuymi: “Nentuafuymi kiñeke tami ayünieel, ka yeñmutuafuymi”.
¿Tunte tripaleafuymi chew ñi pengelngekem lifru mew? Kiñeke lof mew tati pu amuldungukelu kümeke nütram entukeyngün ñi inafülkülen mu engün. Ka müley feypikelu tañi müte fülkonkülen mu, fey katrütukey ñi fülkonal tati pu che, feymu lle pichi kamapu tripalekeyngün, ka üngümniefingün tati pu che ñi adkintual chew ñi pengelmekeel. Fülkonle kiñe che chew ñi pengelngekem lifru, nütramkakantufinge, fey ramtukayafuymi: “¿Rakiduamkeymi kiñeke mu tüfachi ramtun mew?”
Tunten rupa duamtunielmi tati Biblia, papeltulelafuymi ti che.
Nütramkafinge tati che chumngechi chillkatuafuy tati Biblia, yeñmutule kiñeke papil, kam tati lifru Enseña. Pengelnge tati video ¿Chumngelu am müley tami chillkatual ta Biblia? tami celular ka tablet mew.
Tati che ayüle tüfachi dungu ramtulelfinge chew tuwi. Tati che eymi tami lof tuwnole, wirintukuafuymi tati formulario Sírvase Visitar (S-43) ka pürüm elkünulelafimi tati longkolelu ñi ngüneduamkeel fillke werküelchi dungu.