Doy küme adümuwnge tami amuldungual: amuldungumekelfiel ti che ka kewün dungukelu

Chumngelu falin-ngey: Jewba ayüniey kom che küme weniyeafiel ta kidu “chuchi tuwünchengeafuy rume” (Hech. 10:34, 35). Feymu llemay, Jesu feypi ñi amuldungulngeal “kom chüf mapu” ka “kom trokiñke mapu mew mülechi pu che” (Mat. 24:14). Sakaria, ti pelon wentru, feypikünuy kom che “kom kewün dungu mülelu fill trokiñke mapu mew” feyentuafuyngün ti werkün dungu (Zac. 8:23). Juan ñi pelon dungu ñi feypikünuel, kom tati montulu tati fütra kutrankawün mu trapümngeay “fentren pu che kom trokiñke mapu tuwlu, kakerume tuwünngelu, kakerume dungun nielu” (Apo. 7:9, 13, 14). Dew feypikünungen mu chi dungu, taiñ amuldungukeel taiñ lof mu, fey pefiliyiñ kiñe che kake kewün dungukelu, müley taiñ pepikawal ñi amuldunguafiel.