Kelluntukuaiñ taiñ amuldunguafiel pu che kakerume kewün dungulu

Fentren che allkütukey ti kümeke dungu kidu tañi kewün dungu mu, tüfa puwkey kidu tañi piwke mu engün. Fey mu peno, ti fiesta Pentekoste 33 tripantu, Jewba ñi duam mu “fentren judiuche [...] küpalu kom trokiñke mapu” allkütuyngün ti kümeke dungu kidu tañi kewün dungu mu. Ebrewdungun kam griegudungun adümlu rume, tüfa puwi ñi piwke mu engün (Hch 2:5, 8). Fanten mu, müley fentren che kake kewün dungulu, feymu ka müley kake trawünche kellukefilu feychi che. Epu kam doy trawünche elfalkünungeafuy ñi amuldungual kiñe lof mu. Feymu, taiñ kelluafiel kom feychi che ka müchayke witrantunoafiel, ¿chumafuiñ?

• 

  Welukonke nütramkawal (Pr 15:22): Pu longkolelu amuldungun kiduke trawünche mu trür küme adkünuafuy chumngechi amuldungual. Alün-ngenole chi lof chew taiñ amuldunguken, pu longkolelu feypiafuy kangelu trawünche ñi wiño witrantunoafiel tati pu che. Welu müna alün-ngele chi lof chew taiñ amuldunguken, fey müte witrantunofiliyiñ tati pu che, kangelu trawünche kelluafeiñmew taiñ witrantuafiel. Fey wüla feychi trawünche feypiaeiñmu chem che doy küpa kimi Jewba mu (od-S pag. 93 parr. 37). Ka feypiafuiñ kangelu trawünche taiñ kelluaetew trür kintuafiel pu che. Femngechi wirintukünuafuiñ chew ñi mülen engün, fey amuldunguafuiñ wüla kidu ñi kewün dungu mu. Longkontukuaiñ tüfa: kiñe ruka mu doy kiñe kewün dungu dungungeafuy. Ka, taiñ kintuafiel feychi che, chaftulayafiyiñ ti ley ingkañpefilu kiduke pu che tañi dungu.

• 

  Welukonke kelluwal (Ef 4:16): Küme inayaiñ taiñ feypietew ti longkolelu amuldungun mu. Kiñe dungu, kimeltufiliyiñ Biblia ta kiñe che, welu kidu ñi kewün no, tüfa puwlayafuy ñi piwke mu. Welu feychi che ñi küme weniyeafiel ta Jewba, doy kümeafuy tañi kimeltuaetew kiñe peñi kam lamngen koneltulu kiñe trawünche amuldungukelu feychi kewün mu.

• 

  Pepikawküleaiñ (Pr 15:28; 16:1): Amuldungun mu pefiliyiñ kiñe che ka kewün dungulu, eluwaiñ taiñ amuldunguafiel. Taiñ pepikawküleal, rakiduamafuiñ chem kewün dungu dungukey pu che chew taiñ amuldunguken. Fey ti sitio jw.org mu entuafuiñ Biblia ka kiñeke video feychi kewün dungu mu. Ka JW Language mu kimafuiñ chumngechi chaliafiel feychi che.