Kimaiñ pu doy pepikawkülelu ñi amuldungukeel

Tati doy pepikawkülelu ñi amuldungukeel rume falingün. Kiñeke rume fentren tripantu yenieyngün ñi poyefiel ta Jewba. Ka kakelu rume pepikawpuyngün ñi amuldungun mu fantepu mew. Kom tüfa engün küme inaduamingün chumngechi Jesucristo ngüyulniefi tati pu trawünche tüfachi afkülechi antü mew, ka doy küme tripaley tüfachi fütra küdaw ñi amuldungungeal ka kimeltungeal (Mat. 28:19, 20). Tüfachi pu che fentren tripantu amuldungumekelu am, nieyngün feyti “fütra pepiluwün [...] ñi küpan ta Ngünechen mew”, ka tüfa kellueyew ñi chaftuafiel fillke weda dungu (2 Kor. 4:7). Tüfa engün müna ayükeyngün ñi kimelelafiel tati pu che ñi kimürpun engün, ka feymu iñchiñ kimafuiñ tüfa engün mew chumngechi kellukefiel tati pu che (Sal. 71:18). ¿Chumngechi femafuiñ?

Amuldungumekeliyiñ. Tañi doy küme amuldungufe ngeal, tati pu we amuldungukelu duamnieyngün ñi kimelelaetew tati pu doy pepikawkülelu. Ka doy küme adümnieafuy pukintuniefiel mu tati doy pepikawkülelu ñi amuldungun mu. (Ngüneduamfinge La Atalaya, 15 konchi febrero küyen 2015, tati nütram “Cómo mantener el entusiasmo en la predicación”, tati küla trokiñ mew feypilelu “Ayude a los nuevos”.) ¿Chem kümelkan llowimi tami amuldungun mu kiñe doy pepikawkülechi amuldungukelu engu?

Müna kümeafuy tami mangelafiel kiñeke engün tamu trür amuldungual. Kutrankülele tati amuldungukelu doy pepikawkülelu, kiñeke mu yekayafuymi kiñeke tami chillkatumekelu Biblia tati kutrankülelu ñi ruka mew, tamün mür chillkatual tüfa mu. Dew chillkatulmün, ramtuafuymi tati doy pepikawkülelu ñi amuldungukeel chem rakiduamküley tami kimeltun mu, ka feypiafimi tami feypiaetew doy küme kimeltual.

Rumel trawükeaymi tüfa engün. Newentunge tami doy kimafiel tüfachi pu doy pepikawkülelu ñi amuldungukeel. Mangelafimi kiñeke engün tami poyeafiel Ngünechen reñmawen mu, ka ramtuafuymi chumngechi kimürpuy tati rüf dungu, ka chumngechi Jewba kümelkaeyew, ka chumngechi doy tremürpuy tati trawünche Dungukelu Iney Ngen Jewba ngerpun mu, ka chem kümeke dungu nierpuy tañi küdawülelafiel ta Ngünechen. Kütrankülele, eymi amuafuymi kidu ñi ruka mew tami poyeafiel Ngünechen reñmawen mu.

Rume dikümtukelayafimi, ka rakiduamnienge tüfa engün ka nieyngün fillke duam ñi mongen mu. Iñchiñ reke, tati pu yenielu fentren tripantu amuldungun mu, nieyngün fillke adümuwün tüfachi dungu mew (Rom. 12:6-8). Ka kiñeke engün fentren tripantu nieyngün ñi mongen mu, feymu nielayafuyngün tiempo taiñ kelluaetew fillke dungu mu. Welu iñchiñ kimürpuafuiñ kom ñi femkeel engün ñi poyefiel ta Jewba nordungun mu.