Doy küme adümuwnge tami amuldungual: pepikafinge tati pu we koneltulelu ti trawünche mew

Chumngelu falin-ngey: Jesu ñi pu we disipulu müley ñi kimal ka inanieal kom ñi werkükeetew kidu, ka tüfa koneltuley ñi kimeltuafiel kakelu pu che ti rüf dungu (Mat. 28:19, 20). Fentren chillkatukelu dew pepikawküley ñi koneltual ti Chillkatuwe ta Amuldungual Ngünechen ñi Dungu, ka dew amuldungulelfi ñi pu che ka tañi weni. Welu may, amulelu ñi falintunieafiel ti kimelchi dungu ka kimürpuyngün ta Jewba ñi ayünieel kom che ñi allküal tüfachi kümeke dungu, feypikeyngün tañi ayüelchi dungu ñi koneltual ti amuldungun mu (Rom. 10:13, 14). Dew elungelu ñi amuldungual petu tañi fawtisanon mu, fey ñi küme pepikawkülen kelluaeyew engün ñi doy maneluwküleal amulele ñi trekan Ngünechen ñi dungu mu (Luka 6:40).

Chumngechi ñi femngeal:

Kellufinge ti we amuldungukelu ñi nieal fillke chillka ñi duamnieel ta amuldungual ka kimeltucheal. Pengelfinge chumngechi pepikakeymi tami kutama tami amuldungual, ka feypifinge chemu fente falin-ngey fillke chillka tami yenieel.
Trür dullimu kiñe pengelün dungu Taiñ Amuldungukeel mu, ka pepikafimu. Ka feypiafimi ti we amuldungukelu ñi feypial kidu ñi dungun mu. Adümkantunge fillke dungu mülelu tati lifru Benefíciese pingelu, pagina 82 mew, ti müleyechi dungu tami lof mew. Pengelnge ñi falin-ngen taiñ küme takutuwküleal ka küme lifküleal (2 Kor. 6:3, 4).
Amulepe tami pepikamekefiel. Pengelfinge ti we amuldungukelu kiñe tarjeta territorio pingelu, ka kimelfinge chumngechi adümafiel ti papel wirikonkülechi chew ñi mülen ti ruka, registro de casa en casa pingelu. Ka pengelfinge chumngechi wirintukuafuy tiyechi pu che küme llowlu taiñ amuldungun. Kimelfinge chumngechi kelluafeyew jw.org, ka ti papil Buenas nuevas para gente de todas las naciones pingelu. Ka femngechi kellufinge tati pu we amuldungukelu ñi wiño pemeafiel tati che allkütukelu (1 Kor. 3:6).
Ngenoafeluwnge ka yafültukufinge (Prov. 25:11). Inayentufalngeaymi tami amuldungun mu. Tati we amuldungukelu turpu ngoymalayay tami ayüwünkechi amuldungukeel ka tami küme duamtuniefiel.

Tüfachi küyen mu tami adümal:

Amuldungunge fill ruka püle tami chillkatukelu engu, ka yefinge ñi pemeafiel ti che kam kiñe chillkatukelu Biblia. Nienolmi kiñe chillkatukelu, mangelfinge kiñe amuldungukelu newe adümuwkenolu tamu amuldungual.