Doy küme adümuwnge tami amuldungual: Kellufinge tati pu chillkatukelu ñi doy küme adümuwküleal ti chillkatun mu.
Chumngelu falin-ngey: Tati pu chillkatukelu ñi doy küme weniyerpuafiel ta Ngünechen, müley ñi longkontukunieal ka piwkentukunieal tati doy falinke kimeltun mülelu Biblia mu (Eb. 5:12–6:1). Feymu, tati chillkatukelu müley ñi yafüluwküleal tañi femün mu. Müley tañi rakiduamal chumngechi tüfachi we kimün nüwküley tañi dew kimelchi dungu, ka chumngechi tüfachi dungu kelluaeyew ñi mongen mu (Prov. 2:1-6). Tati chillkatukelu kidutu ngüneduamle ti dungu tañi doy kimal, fey wiñoldunguay fillke ramtun dungu ngüneduamlu am taiñ fillke papil Biblia mew tuwlu. Rüf piwke mu yafüluwle engün ñi inanieafiel tañi kimelchi dungu, fey pepikawküleayngün ñi newentuwküleal wedake dungu mu rupale tañi kristianongen mu (Luka 6:47, 48).
Tüfachi küyen mu tami adümal:
Dewelkale kiñe kapitulo kam kiñe trokiñ, feypiafimi tati chillkatukelu tañi pichin feypial chem tañi kimeltungeel feychi trokiñ mu. Nienolmi kiñe chillkatukelu, eymi adümkantuafuymi tami pichin feypial kiñe trokiñ Biblia mew kam La Atalaya, femngechi doy küme kimtukunieaymi tami papeltuel.