Fillke allkütupeyüm: chumngechi pünengeay
1. Ñi mülen mu fillke wirin chillka, ¿ka chem dungu müley taiñ kellukeetew?
1 Fentren che ayüwmakey papeltual rüf ka ayüfalngechi dungu jw.org mu (Ecl. 12:10). Welu may, ¿inaduamkeymi ti allkütupeyüm? Tüfa mu, pepi allkütuafuymi fentren kimeltun taiñ sitio internet mu. ¿Chumngechi kellukeeiñmu ti fillke allkütupeyüm?
2. ¿Chumngechi inaduamafuiñ ti allkütupeyüm taiñ chillkatual iñchiñ, ka reñmawen mu?
2 Taiñ chillkatual iñchiñ, ka reñmawen mu: Amun mu kake lof, ka taiñ duam mu nielu fill antü, allkütufiliyiñ Biblia ñi dungu, ti chillka, kam fillke papil ti allkütupeyüm mew, tüfa kelluafeiñmu taiñ doy küme püneal ti tiempo (Efes. 5:15, 16). Fillke dungu ka femafuiñ taiñ poyeafiel Ngünechen reñmawen mu, fey taiñ inanieal ti chillkatun trür taiñ papil mu. Kafey ayüliyiñ kümelkayal taiñ papeltun, kam petu kimnieliyiñ kakelu kewün dungu, doy kümeafuy inaduamliyiñ ti allkütupeyüm kidu taiñ chillkatukeel mu.
3. Taiñ trawünche ñi trokiñ mapu mew, ¿iney engün am kelluafeyew ti allkütupeyüm?
3 Taiñ amuldungukeel mu: Tati pu che taiñ trawünche ñi trokiñ mapu mew pepi papeltukenolu rume nielu am ñi küdaw, fey llowafuyngün ti allkütupeyüm. Kam peafuiñ chi kiñe che kangelu kewün dungukelu, fey doy küme wiñoldungupelayafuy allkütule Ngünechen ñi dungu ‘kidu tañi dungun mew’ (Hecho 2:6-8). Kiñeke lof ñi wimtun mew, allkütual rume falin-ngey. Kiñe dungu: pu hmong che, pu mapuche reke, tati pu füchakeche wimtuniekey rulpayam ñi kimün tati pu wechekeche mew nütramkan dungu mu, fey küdawngelay ñi longkontukual tañi allküelchi kimün. Fentrenke wimtun Africa mapu mew, ayüwmakey kimal ñi nütramkangeken mu engün.
4. ¿Chem ramtuwafuiñ, fey taiñ kelluafiel tati pu che mülelu taiñ trokiñke mapu mu?
4 Tami trawünche ñi trokiñ mapu mew, ¿kümepeafuy may allkütule ti ngen ruka kidu ñi kewün dungu mu kiñe allkütupeyüm? Kiñeke che, ¿kellupeafeyew may ti puke papil allkütupeyüm mu, elungele correo elektroniko mu? ¿Entupeafuiñ may kiñe papil ñi allkütupeyüm mu, fey rulpayafuiñ kiñe CD mu, ka eluafuiñ ti papil engu kiñe ngen ruka ayülu ñi llowal? Kom tati lifru, papil, chillka kam pichike papil elektronikongelu elufiliyiñ tati pu che amuldungun mew, wirintukuafuiñ ti papel mew chew feypiyiñ tunte amuldungukeiñ. Tati pu allkütupeyüm dewmangey iñchiñ taiñ püneal kidu taiñ chillkatuken mu, kafey taiñ kimeltual Ngünenien tañi rüf dungu (1 Kor. 3:6).