Fill antü papeltuaimi Biblia

Mülen mu fentren duam, ¿cüdautuqueimi papeltuafiel Biblia fill antü? (Jos. 1:8). Femle, fau nieiñ quiñeque ngülam:

• Elcünunge chem tami acordalelaeteu. Pepicacünunge quiñe alarma tami celular mu chem hora mu papeltuafiel Biblia.

• Elcünunge Biblia tami adquiñ mu. Huimtulelmi papeltuafiel Biblia lifru mu, elcünuafimi cheu tami pürümquechi peafiel (Deut. 11:18).

• Allcütuafimi ti Biblia grabalelu. Allcütufinge petu tami fill duammequen. Quiñe lamngen Tara pingelu, ñuque ca precursorangei ca cüdauquei pun meu, fei feipi: “Allcütuquen ti grabalelu petu tañi fill duammequen ruca mu, femngechi quelluqueneu fill antü papeltual Biblia”.

• Rulpacünuquilnge quiñe antü no rume. Pepi papeltunolmi Biblia tami dullielchi hora mu, lelihulnge quiñeque versiculo rehuall petu tami umautunon. Papeltufilmi quiñeque versiculo rume, ca quelluaimu llemai (1 Ped. 2:2).