Doy küme adümuwnge tami amuldungual: Kiñe che pinole ñi küme yenieal ñi mongen, kimeltuwelayafiyiñ Biblia

CHUMNGELU FALIN-NGEY: Itrokom che maneluwkülelu Jewba mu, montulngeay tati (Rom 10:13, 14). Welu kiñeke che chillkatukelu Biblia pilay ñi küme yenieal tañi mongen chumngechi ñi ayükeel ta Jewba. Feymu ñi küme amuleal taiñ kimeltucheken kintuafiyiñ tati pu rüf küpa ayüwülfilu ta Jewba, fey kelluafiyiñ tati. Feymu kiñe che alüñma kimeltulelfiliyiñ Biblia, welu pinole ñi küme yenieal ñi mongen, kimeltuwelayafiyiñ. Doy may kimeltuafiyiñ llemay feychi pu che Jewba ñi küpalelfiel kidu mu (Jn 6:44). Welu rupalele chi antü, ti che kakünutule ñi rakiduam ka fewla eluwle ñi rumel mongeleal, iñchiñ kimeltutuafiyiñ Biblia (Hch 13:48).

CHUMNGECHI ÑI FEMNGEAL:

• Ti che ayüniey ñi kimal Jewba mu, feymu sakiafimi (1Tim 2:4).

• Yafültukuafimi ñi küme inayal tañi kimel Biblia mew (Lk 6:46-49).

• Inaduamafuymu ti nütram tati nganketrankelu mew. Fey rakiduamelafimi chem katrütueyew ñi küme yenieal ñi mongen (Mt 13:18-23).

• Feypiafimi chumngelu kimeltuwelayafimi Biblia.

• “Mütrümaeyu” ka “kiñeke mu wiño pepatuaeyu” piafimi. Yafültukuafimi ti che ñi inayal tañi kimeltungeel, fey femle “wiño kimeltulelaeyu Biblia” piafuymi.

PEFINGE TI VIDEO KA WIÑOLDUNGUNGE TI MÜLEYECHI RAMTUN:

• Ti che chillkatukelu Biblia pilay ñi küme yenieal tañi mongen chumngechi ñi ayükeel ta Jewba, ¿chumngechi pengeli tüfa?

• Ti amuldungukelu, ¿chumngechi yafültukufi tati che ñi küme elkünutual ñi mongen?

• Ti amuldungukelu, ¿chumngechi yafültukufi ti che ñi wiño chillkatual ta Biblia küpalechi antü mu?