TAIÑ CRISTIANO MONGEN
Pu weche: Jewba tati doy küme weni tamün nieafel
¿Chumkey pu kümeke weni? Kutranpiwkeyechekeyngün, küme piwkengeyngün ka fürenechekeyngün. ¡Fey Jewba femngechi weni tati! (Éx 34:6; Hch 14:17). Eymi llellipufilmi allkütuaeymu. Duamülmi kellu, kidu siempre kelluaeymu (Sl 18:19, 35). Welulkawülmi, kidu perdonayaeymu (1Jn 1:9). ¿Küme weni no am ta Jewba?
Fey eymi, ¿chumafuymi tami weniyeafiel? Papeltuafuymi Biblia tami doy küme kimafiel. Pengelnge tami maneluwkülen kidu mew (Sl 62:8; 142:2). Ka femngechi maneluwaymi Jesus mu, Chaw Dios ñi gobierno ka ñi femal küpalechi antü mew. ¿Ka chem chumafuymi? Nütramkacheaymi Chaw Jewba mu (Dt 32:3). Eluwülmi tami küme weniyeafiel ta Jewba, kidu rumel weniyeaeymu (Sl 73:25, 26, 28).
PEFINGE TI VIDEO PU WECHE: “KIMAFIMÜN TA JEWBA, KA NGÜNEDUAMAYMÜN ÑI KÜME PIWKENGEN”, KA WIÑOLDUNGUNGE TI MÜLEYECHI RAMTUN:
Küpa wülkünulmi tami mongen Jewba mu ka küpa fautizawülmi, ¿chumafuymi tami pepikawküleal?
Pu peñi ka pu lamngen trawünche mu, ¿chumngechi kelluafeymu tami serfiafiel Jewba?
Amuldunguchelmi, ¿chumngechi kelluaeymu tami doy weniyeafiel Jewba?
Rüf weniyefilmi ta Jewba, turpu kidukünulayaeymu.
Jewba ñi trokiñche mew, ¿chem küdaw mu konafuymi?
¿Chem dungu doy ayükefimi ñi chumngen ta Jewba?