Falinque dungu adentucünuaiñ

Quimeltufiel mu Biblia tati pu che, duamnieiñ ñi adümafiel engün tati doi falinque dungu. Fei, ¿chumafuiñ tañi doi adümelelafiel engün? Cümeque pengelün dungu feipiaiñ. Adentucünuaiñ taiñ cüpa quimeltuel. Femngechi puhuaiñ pu estudiante ñi piuque meu.

Petu pepicahulmi, dullinge chuchi falinque dungu adentucünuaimi. Adentucünunge tami nütram chem dungu doi quimniei pu mapuche (Mt 5:⁠14-16; Mr 2:⁠21; Lc 14:⁠7-11). Raquiduamnge chumquei ca chem rupaquei feichi che tami quimeltulelquefiel Biblia (Lc 5:⁠2-11; Jn 4:⁠7-15). Femngechi femülmi, feiti estudiamequelu ayühuai tañi adümfiel meu Biblia, fei eimi ca ayühuaimi tati.

PEFINGE TI VIDEO QUELLUAFIEL PU CHE ÑI DISCIPULONGEAL AYÜHULQUEIÑMU: DOI CÜME ADÜMUHUAIÑ TAIÑ QUIMELTUCHEAL: PENGELÜN DUNGU, CA HUIÑOLDUNGUNGE TI MÜLEYECHI RAMTUN:

• 

  Pu estudiaquelu Biblia, ¿chumngelu duamnieingün quellu ñi adümal Biblia ñi feipin?

• 

  Ester, ¿chem pengelün dungu feipi ñi adentucünual Romanu 5:⁠12?

• 

  Cümeque pengelün dungu entuliyiñ, tüfa ¿chumngechi quelluaeyu pu estudiamequelu Biblia?

• Taiñ amuldungun meu, ¿chumngelu cümeafui taiñ pengelal video ca caquelu quellu taiñ nieel?