8 KIMELTUN

Pengelün dungu mew kimeltucheaymi

Matew 13:⁠34, 35

DUAMFALI TAMI KIMAL: Tami doy küme kimeltucheal, entuafuymi pengelün dungu. Feypiafuymi kiñe nütram, epew, kiñe che ñi rupan kam kakelu adümfalngechi dungu. Femngechi ayüwmayay pu che ka longkontukuay ti kimeltun.

CHUMAFUYMI

Küme adümfalngepe ti pengelün dungu. Tami kimfalkünuafiel küdawngechi kimeltun, feypinge adümfalngechi ka kimngekeelchi dungu, chumngechi ñi femün Jesus. Feypilayaymi kiñe dungu kellunole ñi doy adümngeal ti pengelün dungu. Kom tüfa müley ñi kiñewküleal tami kimeltumeken mu, femngechi pu allkütupelu küme adümafi.

Ngüneduamnge ñi rupameken wallontu eymi mu, küme chillkatufinge taiñ fillke papel, ka ngüneduamnge chumngechi ñi kimeltucheken adümuwkechi peñi kam lamngen. Fey wirintukuafimi kiñeke pengelün dungu tami doy küme kimeltucheal kiñe cuaderno kam celular mu.
Longkontukuniefinge pu allkütukelu. Rakiduamnge chem kimniey ka chumkey engün, fey eluwnge tami entual kiñe pengelün feychi dungu mu. Welu kuñiwtukuwnge. Ngelay tami lladkülkayafiel kam yewelkayafiel tami pu allkütukeetew.
Küme kimfalkünufinge ti kimeltun. Müte entulayaymi fillke pengelün dungu. Doy may tami kimfalkünuafiel falinke dungu müten. Kellufinge pu allkütupelu tañi doy longkontukual ti kimeltun tati pengelün dungu mu.