Küla ngülam taiñ doy küme kimeltucheal
1. ¿Chumngelu müley taiñ doy küme kimeltuchefengeal?
1 Itrokom tati pu amuldungukelu Ngünechen ñi dungu kiñe kimeltuchefe ngey. Amuldunguliyiñ, pemetufiliyiñ ti che, ka chillkatufiliyiñ kiñe che engu, fey kimelelfiyiñ fillke falin dungu ñi montulal. Kimeltufiliyiñ “tati Wirin Chillka ñi küme dungu”, fey kellufiyiñ tati pu che ‘tañi kimchengeal’ femngechi ‘tañi montuluwal’ (2 Tim. 3:15). ¡Müna falin dungu tati! Feymu müna kümeafuy tañi doy küme amulerpual taiñ kimeltuchefengen. Fewla ngüneduamaiñ küla ngülam taiñ doy küme kimeltucheal.
2. ¿Chumngechi kimeltuaiñ kimfalngen mu?
2 Adümfalngen mu kimeltuaiñ. Wüldunguliyiñ kiñe dungu taiñ adümnieel, tukulpayaiñ taiñ pu allkütuetew ñi kimnienon, ka küdawtuafuy ñi adümal. Feymu chillkatuliyiñ ti Biblia kiñe che engu, afeluwlayafiyiñ tati pu che duamfalngenochi kimün mew. Welu may, doyümnieafiyiñ tati doy falin dungu. Taiñ doy küme kimeltual, duamfalngelay fentren dungual (Prov. 10:19). Kafey papeltulayafiyiñ kom tati pu versikulo Biblia mew; papeltuafuiñ tati duamfalchi versikulo müten. Ka papeltuliyiñ wüla, kimfalkünuaiñ tati dungu nüwkülelu taiñ nütramkael müten. Tukulpayaiñ, Jesu kimeltuy fütrake dungu ñi wewpin ti fütra wingkul mew (Mat., kap. 5-7). Welu pichi dunguy ka kimfalngen mu kimeltuy.
3. ¿Chumngelu fente falin-ngey tati adkünu dungu, ka chem am ta doy kellukey?
3 Adkünu dungu nentuaiñ. Tati adkünu dungu kellukey tati pu che ñi rakiduamal, tukulpayal ka nengümüñmaeyew ñi piwke. Tami nentual adkünu dungu, duamfalngelay tami fütra nütramkafe ngeal. Jesu pichiñma nentuy adkünu dungu kimfalngen mu (Mat. 7:3-5; 18:2-4). Kafey femülmi küdawngenochi adentun, tüfa müna kelluaeymu tami kimeltual. Pichi pepikawkülelmi rume, kümeke adkünu dungu nentuaymi.
4. ¿Chumngechi am küme ramtuaiñ?
4 Küme ramtuaiñ. Tati pu ramtun rakiduamelkefi tati chillkatukelu. Feymu ramtufiliyiñ, üngümküleaiñ ñi wiñoldungual. Üngümkülenoliyiñ, kimlayaiñ chem ñi adümnieel ti che. Ka tati che welulkawle ñi wiñoldungun mu, matu norümfemlayafiyiñ; doy kümeafuy taiñ doy ramtuafiel, femngechi ngüyulafiyiñ (Mat. 17:24-27). Fey llemay tukulpayaiñ, kom tati pu kimeltuchefe welulkawafuyngün. Feymu tati Biblia ngülamtukeeiñmu taiñ kuñiwtukuwal taiñ kimeltun mew, femngechi am kümelkawafuiñ iñchiñ ka taiñ allkütukeetewchi pu che (1 Tim. 4:16).