CÜME QUIMELTUCHEFENGEAIÑ | AYÜHUNQUECHI AMULDUNGUAIÑ
Quelluafiyiñ pu chillcatuquelu ñi amual trahun meu
Rume falin-ngei trahuluhual taiñ poyeafiel ta Jehová (Sl 22:22). Trahuluhun meu fillque cümeque dungu llouqueiñ ca ayühulqueiñmu (Sl 65:4). Fei quiñe che chillcatuquelu Biblia amule trahun meu, doi matu cüme hueniyerpuafi ta Jehová.
¿Chumngechi quelluafuimi tami pu chillcatuquelu Biblia ñi amual trahun meu? Fentecünuquinolnge tami mangelniefiel engün. Pengelelfinge ti video feipilelu ¿Chumqueingün am pu Dunguquelu Ineingen Jehová tañi Trahunhue Ruca mu? Feipifinge chumngechi cümelcaqueiñmu taiñ trahuluuquen (lff quimeltun 10). Cafei feipiafuimi chem dungu quimürpuimi trahun meu cam feipilelafuimi chem dungu ngüneduamngeai cüpalechi trahun meu. Eluafimi ti che feichi publicacion ñi ngüneduamngeal trahun meu. Raquiduamnge chumafuimi tami quelluafiel engün ñi amual trahun mu, fei yerpuafuimi chi ñi quiñentrür amual. Fei tami chillcatuquelu Biblia amule trahun meu, rume cümeai tami quellufiel (1Co 14:24, 25).
PEFINGE TI VIDEO QUELLUAFIYIÑ PU CHE TAIÑ QUIMELTULELQUEFIEL BIBLIA TAÑI AMUAL TRAHUN MU, CA HUIÑOLDUNGUNGE TI MÜLEYECHI RAMTUN:
¿Chem feipi Ester ñi mangelafiel Jade ñi amual trahun mu?
Pu chillcatuquelu Biblia amule trahun meu, ¿chumngelu fente ayühulqueiñmu?
‘Ngünechen mülei ta eimün meu’.
¿Chem ngüneduami Jade amulu tañi hunen trahun mu?