Quelluafiyiñ pu chillcatu­quelu Biblia tañi famentuafiel huesaque compañ

Pu chillcatuquelu Biblia mülei ñi cüme dullial tañi pu hueni, femngechi ñi cüme hueniyeafiel ta Jehová (Sl 15:1, 4). Pu cümeque hueni quelluaeyu engün ñi femal cümeque dungu (Pr 13:20; lff quimeltun 48).

Quellufilmi tati pu che tami quimeltulelquefiel Biblia ñi famentuafiel huesaque compañ, mülei tami quimtucunieal chumngechi duamnagafuingün. Raquiduamnge, cüdautuafui chi ñi elcünual puque hueni ñi nieel. Feimu ca duamtunieafimi feichi antü tami quimeltulelquenofiel Biblia. Fei huercülelafuimi quiñe mensaje, mütrümafuimi cam pemecünuafuimi. Doi fülconle Jehová meu tami chillcatuquelu Biblia, mangelafuimi ñi cüme rupayal ti trahunche engu. Femngechi ngüneduamai ñi doi cümeque hueni ñi nierpumequen (Mr 10:29, 30). Femngechi quellufilmi tati pu che, doi tremcülerpuai Jehová tañi pu che, fei rume ayüucüleaimi.

PEFINGE TI VIDEO QUELLUAFIYIÑ PU CHE TAIÑ QUIMELTULELQUEFIEL BIBLIA TAÑI FAMENTUAFIEL HUESAQUE COMPAÑ, CA HUIÑOLDUNGUNGE TI MÜLEYECHI RAMTUN:

• ¿Chumquei pu huesaque compañ? (1Co 15:33).

• Jade, ¿chem raquiduami ñi chumquen ti trahunche ñi cüme rupaleal?

• Ester, ¿chumngechi quellufi ta Jade ñi famentuafiel tañi huesaque compañ?