¿Inei am hueniyeafimi internet mu?

Pu hueni piuqueyeuquei ca yamuuquei. Raquiduamnge David ca Jonatán mu, David langümfilu hula ta Goliat, rume cüme hueniyehuingu Jonatán engu (1Sa 18:1). Fei engu cüme quimniehuingu, feimu cüme hueniyeuquefuingu. Felei llemai, pu che cüme quimnieulu cüme hueniyeafuingün. Huelu taiñ quimafiel quiñe che, mülei taiñ yafüluhual ca elcünual tiempo, pürüm müten femlayafuiñ. Tati redes sociales meu cüdautuafuiñ taiñ cüme quimafiel ta che, quiñeque mu tati pu che pengelquei müten tañi ayüqueel quisu engün meu cam cüme chefaluhuafuingün. Feimu cüme dulliaiñ chem che hueniyeafiyiñ internet meu. Quiñe che ayüle tami hueniyeaeteu, huelu quimnofilmi, raquiduamlayaimi: “Hueniyenofili, huesa duamelafiñ”. Pinolmi, hueniyelayafimi tati. Cuñiutucuunoliyiñ cuñihun-ngechi dungu meu rupayafuiñ tati redes sociales mu, feimu quiñeque che conquelaingün rume. Huelu conülmi tati redes sociales meu, ¿chem mülei tami loncontucunieal?

PEFINGE TI VIDEO ADÜMFILMI REDES SOCIALES KUÑIWTUKUWKÜLEAYMI, CA HUIÑOLDUNGUNGE TI MÜLEYECHI RAMTUN:

• 

  Petu tami huirintucunon cam tucunon foto redes sociales meu, ¿chem raquiduamaimi?

• 

  ¿Chumngelu mülei tami cüme dullial chem che hueniyeafimi internet meu?

• 

  ¿Chumngelu raquiduamaimi tami tunteñmayal redes sociales meu? (Ef 5:15, 16).