Ngüneduamngei tati redes sociales huesalcayafui pu huechequeche | ¿Chem pilei Biblia?

Nehue chumül, 23 conchi mayo 2023 tripantu mu, quiñe falin cüdaufe Estados Unidos ñi gobierno mu feipi tati redes sociales ñi huesalcaquefiel fentren huechequeche.

• “Tati redes sociales cümelcayafui quiñeque pichiqueche ca huechequeche, huelu cafei pengelngequei tati redes sociales rume huesalcayafui tati pu pichiqueche ca pu huechequeche ñi raquiduam ca ñi cüme felen” (Social Media and Youth Mental Health: The U.S. Surgeon General’s Advisory, 2023).

Tüfachi falin cüdaufe pengeli fentren informe pengelquelu chumngelu taiñ cuñiutucuucüleal.

• Pu huechequeche nielu 12 puulu ta 15 tripantu, “doi 3 hora conle redes sociales mu fill antü, doi cutranafui ñi raquiduam, depresion ca ansiedad cutran nierpuafuingün”.

• Pu nielu 14 tripantu rume conün mu redes sociales mu, huesa umautuquei, cüme niengequelai internet mu, huesa ad troquiuquei, falinolu troquiuquei ca conquei depresion mu. Tüfa doi rupaquei pu üllchaque domo.

Pu chau, pu ñuque, ¿chumngechi cuñiutucuafuingün tañi pu yall? Biblia hulquei cümeque ngülam.

Chumafui pu chau ca pu ñuque

Cüme ngüneduamnge. Petu tami dullinon ñi nieal cam nienoal redes sociales tami pu yall, ngüneduamaimi chem cuñihun dungu müleafui.

• Biblia ñi ngülam: “Adümelfinge ti pichi huentru chumngechi felei ñi inayafiel ñi rüpü quisungealu” (Proverbios 22:6).

• Tami doi quimal, pefinge ti troquiñ “¿Deberían mis hijos usar redes sociales?”.

Elufilmi tami pu yall ñi nieal redes sociales, llihuatulenge tami cuñiutucuafiel ca ngüneduamniefinge ñi chummequen internet mu. ¿Chumngechi femafuimi?

Cuñiutucufinge tami pu yall. Pepicafinge ñi quimal chem huesalcayafeyu ca quimeltufinge ñi famentuafiel.

• Biblia ñi ngülam: “Ngelai tamün nütramcayal ti pod cudumuhun, ti ünufal dungu, diñmatun dungu no rume. […] Cafei ngelai tamün miyahual yehuen-ngechi dungu mu, huedhued dunguyaulayaimün, pecanca dungu mu ayecauquelayaimün” (Efesios 5:3, 4).

• Ayülmi tami doi quimal, papeltufinge ti troquiñ “Enséñele a su hijo adolescente a usar con seguridad las redes sociales”.

Quimfalcünulelfinge tami yall chem tañi femafel. Feipicünufinge chem hora ca tunteñma mu conafui redes sociales mu.

• Biblia ñi ngülam: “Rume cuñiutuculemün, [...] quimche reque miyahuaimün. [...] Feimu ngünamcaquelayaimün tamün tiempo” (Efesios 5:15, 16).

• Cümei ñi feipingeal pu yall chumngechi püneafuingün redes sociales. Tami quimelelafiel tüfa tami pu yall, pengelelfinge ti video Adümfilmi redes sociales kuñiwtukuwküleaymi.