TAIÑ CRISTIANO MONGEN
Pu loncolelu cüdauquei tañi cüme feleal Jehová tañi pu che
Fentrenque che manelquelafi tati nielu autoridad. ¿Chemu am femngenoafulu? Afquentu allmalltuqueingün tañi nien mu ta autoridad (Miq 7:3). Huelu Jehová tañi troquiñche mu femngechi dungu rupaquelai. Jehová cüme quimeltuquefi pu loncolelu. Fei tüfa engün tañi nien ta autoridad quelluquefingün ti trahunche (Est 10:3; Mt 20:25, 26).
Tati pu loncolelu trahunche mu inayentuquelafi pu nielu autoridad tüfachi mapu meu. Pu loncolelu piuqueyefingün ta Jehová ca tañi pu peñi ca pu lamngen (Jn 21:16; 1Pe 5:1-3). Eluucüleingün Jesús tañi adnieaeteu. Quelluquefingün pu peñi ca lamngen tañi ayüucüleal ca quiñe familia reque ñi feleal. Yafültucuquefingün ca quelluquefingün tañi cüme hueniyeafiel Jehová. Fütra huesa dungu rupale, mülerumefule quiñe accidente cam cutranrumele quiñeque peñi cam lamngen, pu loncolelu quellufemquefingün. Duamnielmi tami quellungeal, müte raquiduamlayaimi, nütramcayafimi quiñe loncolelu (Snt 5:14).
PEFINGE TI VIDEO PU LONGKOLELU KÜME KAMAÑFE REKE FELEYNGÜN, CA HUIÑOLDUNGUNGE TI MÜLEYECHI RAMTUN:
Mariana, ¿chumngechi quellueyu pu loncolelu?
Elías, ¿chumngechi quellueyu pu loncolelu?
Rupan pefilmi ti video, ¿chem raquiduamqueimi ñi femquen pu loncolelu?