Kiñe lamngen ñi ayekawün mu kümeke dungu rupay

EPU domo kiñentrür trekaleyngu kiñe fütra waria mu, mülelu Filipinas mapu. Pefingu kiñe lamngen amuldungumekelu carrito mu, Helen pingelu, fey ayekawküley. Feychi epu domo fülkonpulayngu carrito mu, rupayngu müten. Welu afmatuleweyngu Helen ñi ayekawkülen.

Fey wüla amuletulu engu micro mu, pefingu kiñe letrero feypilelu jw.org kiñe Trawünwe Ruka mu. Fey acordayngu ka femngechi letra nierkey ti carrito. Nagingu micro mu, fey pefingu chi fillke horario ñi nien Trawünwe Ruka.

Rupachi antü mu ti epu domo amuy trawün mu. Afmatufingu ñi pefiel ta Helen ta trawün mu. Ngüneduamfingu ñi ayekawküleken taiñ lamngen, femngechi kimtufingu. “Fülkonpayngu ti epu domo, fey iñche llükalefun ñi chem piaetew. ‘¿Weda femün am chi?’ femngechi ramtuwfun” pi taiñ lamngen Helen. Fey ti epu domo feypieyew ñi afmatuletew ñi ayekawkülen.

Ti epu domo küme duamkületuyngu amun mu ti trawün mu ka ñi pefiel pu peñi ka pu lamngen. Kom pu peñi, pu lamngen piwkeyenkechi lloweyew. Pefilu engu ñi liftumekengen ti Trawünwe Ruka, ka eluwingu ñi kelluntukual. Fewla kiñe domo kañpüle amutuy, kangelu domo eluwi ñi amual trawün mu ka ñi enseñalngeal Biblia. ¿Chumngelu kom femngechi rupay? Taiñ lamngen ñi ayekawün mu muten.