Lan mu pu che, ¿chem rupaquei?

Biblia ñi quimeltuqueel

Biblia feipi: “Mongelechi che quimingün tañi layal engün; huelu tati pu layelu chem dungu no rume quimhuetuquelaingün, ca cullingehuequelai, deu ngoimayelu am engün ñi raquiduam” (Eclesiastés 9:5, Salmo 146:4). Felei llemai, lan mu pu che mülehuetulaingün müten. Pu layelu raquiduamhuelai, duamtuhuelai ca chumquelai rume.

Trüfür mapu ngeiñ

Adán tañi culpan meu lai. Feimu Chau Dios feipieyu: “Mapu anta eimi, fei Mapu meu ta huiñotuaimi” (Génesis 3:19). Chau Dios trüfür mapu meu deumafi ta Adán (Génesis 2:7). Fei lalu, huiño trüfürngetui ca aftui ñi mongen.

Ca femngechi rupaquei ta che fantepu meu. Biblia feipi trüfür mapu mu deumangei pu che ca pu culliñ. Feimu lale engün, trüfürngetuquei (Eclesiastés 3:19, 20).

Huiñomongetuai ta che

Biblia pengeli pu layelu umaucüleingün reque (Salmo 13:3; Juan 11:11-14; Hechos 7:60). Quiñe che con umaucülelu quimhuetuquelai ñi rupamequen. Ca femngechi pu layelu chem no rume quimhuetuquelaingün. Biblia ca feipi Chau Dios trepeltuafui pu layelu ñi huiñomongetual (Job 14:13-15). Fei Chau Dios ñi duam meu, pu layelu huiñomongetuafuingün.