Pu Dunguquelu Ineingen Jehová, ¿chumngelu üituquelafi iglesia cheu ñi poyequefiel ta Chau Ngünechen?

Quiñeque mu, quiñe griego feipin mülelu Biblia meu rulpadungungei “iglesia”, huelu tüfa ayüquei ñi feipial quiñe trahunche cam quiñe troquiñche poyequefilu ta Ngünechen. Tüfachi dungu cüpa feipiquelai quiñe ruca cheu ñi trahuluhual.

Ngüneduamnge tüfa: tati apostol Pablo huirintucufilu tati pu cristiano mülelu Roma meu, ‘lemoria’ pifi quiñe curehuen, Áquila ca Priscila, cafei feipi tüfa: “Lemoria piafimün tati pu che trahuluuquelu [iglesia, Nueva Versión Internacional] Priscila engu Áquila ñi ruca meu” (Romanos 16:5). Pablo ‘lemoria’ feipiquelafi ta quiñe ruca, huelu mai ‘lemoria’ pifi ta quiñe troquiñche, tati trahunche mülelu ti ruca meu.a

Feimu, üituquelafiyiñ iglesia cheu taiñ poyequefiel ta Chau Ngünechen, huelu mai Trahunhue Ruca üituquefiyiñ.

Trahunhue Ruca tati pu Dunguquelu Ineingen Jehová, ¿chumngelu femngechi üituquefiyiñ?

• Trahuluuqueiñ taiñ poyeafiel ta Jehová, femngechi tati Biblia üituquefi ta Chau Ngünechen. Ca tüfa mu adcünungei ti cüdau taiñ amuldungual (Salmo 83:18; Isaías 43:12).

• Cafei trahuluuqueiñ taiñ doi quimal Chau Ngünechen ñi Gobierno mu, tüfachi Gobierno mu Jesús eluhui ñi quimeltual (Mateo 6:9, 10; 24:14; Lucas 4:43).

Mangeluhuayiñ tami amual pu Dunguquelu Ineingen Jehová ñi Trahunhue Ruca doi püllelelu eimi mu, femngechi quimaimi chem ñi femngequeel taiñ trahun mu.