¿Chumngelu am Dunguquelu Ineingen Jehová celebraquelaingün cumpleaños?

Iñchiñ cüme quimnieiñ Chau Dios ayüquelai ñi celebrayal ta cumpleaños, feimu celebraquelaiñ. Biblia catrüntuculaeiñmu ñi celebrangeal tati cumpleaños, huelu pengelqueiñmu chem raquiduamquei Chau Dios. Peafiyiñ meli quimeltun ñi tripan Biblia meu.

1. Tati cumpleaños cüpai coilaque quimeltun mu. Quiñe enciclopedia feipi quiñe cuifi raquiduam feipiquefui ‘tati pu che puhul-lu tripantu, pu huesaque püllü cüpa huesalcaquefeyu, feimu mangelquei tañi pu hueni ñi quisulenoal feichi antü’. Feimu tripai ñi celebrangeal ti cumpleaños (Funk & Wagnalls Standard Dictionary of Folklore, Mythology, and Legend). Cangelu lifru feipi: “Cuifi mu huirintucungequefui chem antü ñi choyüngen tati pichiche, fei tañi pehutungeal”. Ti lifru ca feipi: “Tati pu che raquiduamquei tati vela niei magia ñi nieal tañi ayüqueel”(The Lore of Birthdays).

   Huelu Biblia cüme pengeli Chau Dios ayüquelai ta calcu dungu, pehutuhun, dahun ca chem huesaque dungu rume (Deuteronomio 18:14; Gálatas 5:19-21). Fütra cuifi, Chau Dios castigafi tati pu babilonio ñi ayüquefiel ti pehutun dungu (Isaías 47:11-15). Iñchiñ pu Dunguquelu Ineingen Jehová, rume ngüneduamquelaiñ cheu ñi cüpan fillque fiesta. Huelu Biblia cüme huiriconlei taiñ ayüquenoal ta magia, feimu catrüntucuquefiyiñ chem fiesta rume ñi cüpan coilaque huimtun mu.

2. Hunenque cristiano celebraquelaingün cumpleaños. Quiñe enciclopedia feipi: “Tati pu hunenque cristiano raquiduamquefui ti cumpleaños ñi tripan coilaque religion mu, feimu celebraquelafuingün” (The World Book Encyclopedia). Ca femngechi Biblia pengeli com taiñ pu cristianongen mülei taiñ inayentuafiel tati pu apostoles ca pu hunenque cristiano (2 Tesalonicenses 3:6).

3. Pu cristiano huercüngelai tañi celebrayal cumpleaños, doi mai tañi acordayafiel Jesús tañi lan (Lucas 22:17-20). Biblia feipi: “Feichi antü ñi lan doi cümei tati antü mu ñi choyüngen” (Eclesiastés 7:1). Jesús tañi mongen mu, ayühulfi ta Chau Jehová. Pichilehuechi antü ñi layal, ca femi. Feimu Jesús tañi lan doi falin-ngei tañi choyüngen (Hebreos 1:4).

4. Tati Biblia cheu no rume feipiquelai pu poyequefilu ta Dios ñi celebraquen cumpleaños. Doi mai Biblia mu feipilei epu che celebrai ñi cumpleaños, huelu poyelafingün ta Chau Dios. Tüfachi epu cumpleaños mu huesaque dungu rupai (Génesis 40:20-22; Marcos 6:21-29).

Pu testigo ñi pu pichiqueche celebranolu ta cumpleaños, ¿müntuñmangei ñi doi cüme rupaleal piqueingün chi?

Com pu cümeque chau reque, pu Dunguquelu Ineingen Jehová rume piuqueyeniefi tañi pu yall. Feimu chem antü ngeafui rume, eluquefi regalo tañi pu pichiqueche ca adcünulelquefi quiñeque fiesta ñi cüme rupaleal engün. Tati pu chau, pu ñuque inayentuquefingün Chau Dios ñi chumngen. Chau Dios eluquefi cümelcan tañi pu poyequeteu chem antü ngeafui rume (Mateo 7:11). Feimu pu Dunguquelu Ineingen Jehová tañi pu yall raquiduamquelaingün ñi müntuñmangequeel doi cüme rupaleal. ¿Chumngechi feipiafuiñ? Peafiyiñ tañi feipiquen quiñeque pichiqueche.

• Tammy 12 tripantu nielu, feipi: “Doi cümefui ñi elungeal regalo chem antü rume”.

• Gregory 11 tripantu nielu, feipi: “Tañi pu chau eluquelaeneu regalo puhul-lu tripantu. Huelu eluqueneu regalo chem antü ngeafui rume, feimu ayüucülequen”.

• Eric nielu 6 tripantu, feipi: “Cumpleaños mu, tati pu pichiqueche iqueingün torta ca ülcantuqueingün müten, feiti fiesta ayüquelafiñ. Tañi ruca mu doi cümeque fiesta mülequei, fei ayüquen”.