Domingo 23 conchi noviembre
Quiñe che ñom piuquengele ca rume yamniefile ta Jehová, ricungeai, püramyengeai ca nieai mongen (Prov. 22:4).
Eimi hueche peñi, müchai müten cüme cristianongerpulayaimi. Mülei tami inayentuafiel pu quimche, cüme raquiduamaimi, manelfal chengeaimi, adümuhuaimi fillque dungu mu ca pepicahuaimi tami femal fillque dungu cüpalechi antü. Pütrünque dungu inaduamimi tami femal, fei ¿com feman chi am tañi quimürpuel? piafuimi. Huelu femafuimi llemai, Jehová quelluaimu (Is. 41:10, 13). Pu peñi ca pu lamngen trahunche mu ca quelluafeimu. Cüme cristianongerpulmi chumngechi ñi ayüqueel ta Jehová, rume ayüucüleaimi. Hueche, rume piuqueyehuiyiñ. Eluucülenge tami cüme cristianongeal, fei Chau Jehová cümelcanieaimu. w23.12 pag. 29 parr. 19, 20
Lunes 24 conchi noviembre
Rulpacünuafimi tami huesalcangeel (Prov. 19:11).
Raquiduamnge tüfa, eimi müleimi caquelu peñi ca lamngen eimün, fei entuimi quiñe foto. Quiñe müten entulaimi, epu, cüla. Quiñe peñi cüme tripanole quiñe foto mu, borracünuafimi, fei tati cüme tripalu elafimi. Iñchiñ acordanieiñ ñi cüme rupan taiñ pu peñi, pu lamngen iñchiñ. Huelu acordarumeafuiñ quiñe peñi cam quiñe lamngen huesa entui tañi feipin cam huelulcahui, fei ¿chumafuiñ? Ngoimanentuafiyiñ, borracünuafiyiñ feiti huesa tripachi foto reque (Efes. 4:32). Fentren rupa am cüme rupaquefulu feichi lamngen cam peñi iñchiñ, feimu loncontucuafiyiñ taiñ cüme rupan, guardacünuafiyiñ tati cüme tripachi foto reque. w23.11 pag. 12, 13 parr. 16, 17
Martes 25 conchi noviembre
Pu domo cüme tucutuucülepe chumngechi femquei pu domo poyequefilu ta Chau Dios (1 Tim. 2:9, 10).
Tañi feipin Pablo griego quehun mu pengeli pu domo mülei ñi rumel cüme tucutuucüleal ca mülei ñi raquiduamal chem piquei caquelu pu che tañi tucutuucülen mu. Saquihuiyiñ eimün pu lamngen tamün cüme tucutuuquen. Ñi cüme cristianangerpual pu domo ca mülei ñi quim raquiduamal. Cüme raquiduamle engün, fei quimaingün chem ñi cümen ca chem ñi cümenon, ca inayafingün tati cümelu. Ngüneduamaiñ ñi femün ta Abigaíl. Tañi füta huesa raquiduamniefui, ayüfui ñi huesa femal. Femfule, com tañi pu che contuafeyu huesaque dungu. Fei, ¿chumi Abigaíl? Abigaíl cüme quimniefui chem ñi cümen. Fei tüfa ta femi, femngechi montulfi fentren che (1 Sam. 25:14-23, 32-35). Cafei cüme raquiduamliyiñ, quimaiñ chumül taiñ dungual ca chumül taiñ ñücüfnagal. Cafei duamtuafiyiñ caquelu pu che, huelu rume conlayaiñ fei engün ñi dungu mu, femngechi taiñ huesa duamelnoafiel (1 Tes. 4:11). w23.12 pag. 20 parr. 8, 9