Martes 16 conchi septiembre
Iñchiñ feyentuleiñ ca quimnieiñ eimi ta Chau Ngünechen ñi huercüel (Juan 6:69).
Ti apostol Pedro turpu püntütripalai Jesús mu, chem no rume famentulaeyu tañi inanieafiel ta Jesús. Quiñe rupa Jesús feipi quiñe dungu, fei tañi pu discipulo entedelafingün (Juan 6:68). Cüme entendenolu engün am, feimu quiñeque püntütripai Jesús mu. Huelu Pedro femlai, doi mai feipifi ta Jesús: “Eimi tami feipin hulquei rumel mongen”. Jesús quimniefui Pedro ca caquelu pu apostol tañi quisucünuaeteu. Femfulu rume, Jesús maneluhui Pedro mu tañi huiñotual tañi serfinieafiel ta Jehová (Luc. 22:31, 32). Jesús quimniefui quiñe che tunte ayüfule rume ñi femal cümeque dungu, huelu huelulcahuafui (Mar. 14:38). Feimu Pedro quimlafiñ ta Jesús pilu rume, Jesús maneluucülefui quisu mu. Feimu huiñomongetulu Jesús, peufaluhui ta Pedro mu (Mar. 16:7; Luc. 24:34; 1 Cor. 15:5). Pedro rume huesa duamcülequefui, feimu ¿rume yafültucupelaeyu tañi peel? w23.09 pag. 22 parr. 9, 10
Miercoles 17 conchi septiembre
Ayühun niei feiti che rulpacünuñmangelu ñi huesa femün, ca tati pu ngoimanentungelu ñi culpan (Rom. 4:7).
Jehová rulpacünuñmaquefi ñi culpan com tañi pu feyentuqueteu (Sal. 32:1, 2). Tañi feyentulen mu engün culpanolu reque felei Jehová ñi adquiñ mu. Abrahán, David ca caquelu che nor che pingefuingün rume, huelu culpafengefuingün. Huelu tañi feyentun mu engün, doicülefuingün pu feyentulenolu meu. Culpan-ngenolu troquinieyu Jehová (Efes. 2:12). Apostol Pablo huirintuculelfilu pu Roma che cüme quimfalcünui tüfa: ayüliyiñ taiñ hueniyeaeteu Jehová, mülei taiñ feyentual quisu meu. Abrahán engu David hueniyequefuingu Jehová tañi feyentun mu. Iñchiñ ca femngechi femafuiñ. w23.12 pag. 3 parr. 6, 7
Jueves 18 conchi septiembre
Rumel püramyenieafiyiñ ta Chau Ngünechen. Tüfa ta chalintucun reque felei taiñ eluafiel ta Chau Ngünechen, hun mu huldunguqueiñ tañi üi pu che ñi adquiñ meu (Heb. 13:15).
Com pu cristiano hulafuiñ taiñ nehuen, taiñ tiempo ca taiñ falinque fillem taiñ serfiafiel ta Chau Jehová. Jehová elueiñmeu taiñ serfiafiel, ¿chumngechi mañumafuiñ? Com taiñ nehuen mu cüdahuelqueafiyiñ. Ti apostol Pablo feipifi pu hebreo che ñi fentecünunoal ñi llellipuafiel ta Chau Jehová, amuldungucheal taiñ nieelchi maneluhun, trahuluhual ca hueluconque yafültucuhual “doyelchi mai püllelepalu cai Chau Dios ñi antü” (Heb. 10:22-25). Ti cüme püllü taiñ nütramcael ellaca mu, ca epu rupa feipi: “¡Chau Ngünechen mai ta püramyefinge!” (Apoc. 19:10; 22:9). Rume falin-ngei taiñ femal tüfa. Feimu llemai, ti falin dungu taiñ quimürpuel Jehová ñi adcünuelchi ruca mu turpu ngoimaquelayaiñ. Rumel falintuqueafiyiñ ñi serfinieafiel taiñ Chau Jehová. w23.10 pag. 29 parr. 17, 18