¿Chumal mongeleiñ?

Biblia ñi quimeltuqueel

Fillque dungu mu inaduamngeafui tüfa. Quiñeque che ramtuafui chi: “¿Chumngelu mongeleiñ? Cam, ¿chumal mongeleiñ?”. Biblia feipi deumangeiñ taiñ hueniyeafiel ta Ngünechen. Taiñ cüme adümal tüfa, inaduamafiyiñ quiñeque duamfalchi rüf dungu pengelquelu ti Biblia.

• Chau Ngünechen deumaeiñmeu. Biblia feipi: “Quisu am deumaeiñmeu, ca ngen-ngei iñchiñ mu” (Salmo 100:3; Apocalipsis 4:11).

• Quiñe duam mu Chau Dios deumafi tati pu che ca itrocom ñi mülen (Isaías 45:18).

• Ngünechen deumaeiñmeu ‘taiñ duamtunieal ta llohual Ngünechen ñi cüme dungu’, feimu cüpa quimqueiñ chumngelu mongeleiñ (Mateo 5:3). Ca quisu ayüquei taiñ quimürpual tüfa taiñ cüme duamcüleal (Salmo 145:16).

• Nehuentuliyiñ ñi doi quimafiel ca hueniyeafiel ta Ngünechen cüme duamcüleafuiñ taiñ llohual Ngünechen ñi cüme dungu, tüfa pepilfali tati. Feimu tati Biblia feipieiñmeu: “Fülconmün ta Ngünechen meu, fei quisu fülconai ta eimün meu” (Santiago 4:8; 2:23).

• Ñi hueniyeafiel ta Jehová, mülei taiñ femal quisu ñi ayünieel, fei tüfa mu deumangeiñ iñchiñ. Tati Biblia quimeltuquei Ngünechen tañi duam: “Ecuniefinge tati rüfngechi Ngünechen ca inaniefinge tañi huercün dungu, tüfa müten mülei ñi femal com pu che” (Eclesiastés 12:13).

• Cüpalechi antü mu femtriparpuai Ngünechen tañi ayüqueel pu che mu, quisu apümcayafilu am ti cutrancahun ca eluafi afnoachi mongen com tañi pu nor piuqueyequeteu (Salmo 37:10, 11).