Biblia, ¿chem feipi ti pengelqueelchi cudumuhun dungu mu?

Biblia ñi quimeltuqueel

Biblia üituquelai ti pengelqueelchi cudumuhun ca caquelu huimtun nüucülelu tüfa mu. Huelu quimfalcünui Chau Dios ñi raquiduamqueel feichi huimtun mu yeniequefilu pu che hueluraquiduamal ti cudumuhun mu, ca ñi cudumuhual quiñe che tañi afcadingenoel. Ngüneduamnge tüfachi dungu Biblia mu:

• “Com tati troquiñ ñi nieel tamün cuerpu tüfachi Mapu meu com ngünenieafimün, tamün femnoal fillque pecan cudumuhun eluñmaquenolu Ngünechen ñi ley ca fillque ünufal dungu, tamün rume illunienoal cudumuhun” (Colosenses 3:5). Peal pengelqueelchi cudumuhun dungu quelluquelai pu che ñi ngüneafiel ñi illutuqueel, doi mai amultucuquei. Pu adquintulu tüfa podngechi mongen nietuingün Chau Ngünechen ñi adquiñ mu.

• “Huelu iñche ta feipihuayiñ inei rume lif piuque meu adquintunofile ta quiñe domo, deu ñihuai tati domo engu quisu tañi piuque meu” (Mateo 5:28). Pu che adquintulu pengelqueelchi cudumuhun dungu contuqueyu huesaque illutun, fei eluhuafui ñi femal pecan cudumuhun dungu.

• “Ngelai tamün nütramyeafiel no rume tati huesaque ñihualuhun dungu, ca chem fill huesaque dungu no rume cam ta diñmatun dungu no rume” (Efesios 5:3). Ngelai taiñ nütramyeafiel ünufal dungu, doyelchi mai ngelai taiñ adquintual cam papeltual pengelqueelchi cudumuhun dungu.

• “Cüme quimfalquei ñi chumquen tüfei engün tati pu inaniefilu ti huesaque illutun: ñihualdomoquei engün, itrofill femquei engün tati ünunngechi huesaque dungu ca huesaque femün. [...] Cüme feipihuayiñ ta eimün, deu feipiquelu am iñche cuifitu deuma, tati femngechi mongen nielu, coneltulayai Ngünechen tañi cüme mülehue meu” (Gálatas 5:19-21). Chau Dios ünufalngelu troquiquefi pu che femquelu tüfa: adquintual adentun ca video, papeltual fillque huirintucun ñi illutual tati cudumuhun. Pecanca nütramcayal telefono ca internet meu cam huercüal foto ñi duamdomoal ca duamhuentrual ca allcütual fill pecan grabangeelchi dungu. Femfuliyiñ tüfachi dungu hueniyehuelayafeiñmu Chau Ngünechen.