Jesu ñi wiñomongetun, ka Pablo ñi karseltükungen

Küla antü ñi lan mu Jesu, wiño mongelngetuy. Feychi antü mu pewfaluwi tañi pu inanieetew kechu rupa mu. Jesu amuley ñi pewfaluwkülen meli mari antü mu. Fey mu, petu ñi pukintunieetew kiñeke tañi pu inanieetew, Jesu wenupüray wenu mapu mu. Mari antü rupalu Ngünechen ñi lif küme püllü witrulnakümpafi Jesu ñi pu inanieetew üngümkülelu (ingelkülelu) engün Jerusalen waria mew.

Alüñma wüla, Ngünechen ñi pu kayñe karseltükufi tati pu apostol, welu kiñe werken püllü neykümeyew engün. Esteban, tati inaniekefilu Jesu, kuratueyew tañi pu kayñe, femngechi lay. Welu kimiyiñ Jesu dullifi (ngümintufi) kiñe tüfachi pu kayñe ñi sakin kona ngeal, ka tüfa apostol Pablo ngetuy. Fey mu, küla rangiñ tripantu Jesu ñi lan mu wüla, Ngünechen werküy ti apostol Pedro ñi kimeltuafiel ti küme werken dungu ta Kornelio, Judio tuwüngenon, ka tañi pu che.

Mari küla tripantu wüla pe no, Pablo llituy ñi wünen miawlu ñi amul dungun mu. Ti epungechi miawlu, Timotew kompañeyew. Kimiyiñ chumngechi Pablo ka tañi pu kompañetew, rupakeyngün fentren afmangechi küme dungu ñi serfimekefiel Ngünechen. Fey wüla, Pablo tukungey karsel Roma waria mew. Epu tripantu wüla neykümngey, welu wiñotuy karsel mew, ka langümngey. Tati REGLE TROKIÑ ruparkey küla mari epu tripantu pe no.