Kimeltucheaymi tati papil Kümeke dungu
1. ¿Chumngechi dewmangey ti papil Kümeke dungu?
1 Inaduampeiñ nga Taiñ Amuldungukeel julio küyen mew, chem taiñ duamyepeel küdaw mew taiñ kimeltucheal, kiñe doy duamfalchi dungu fey tati papil ¡Kümeke dungu küpalu Dio mew! Tüfachi papil mew wirintukungelay tati pu texto ñi feypin, femngechi tati ngen ruka ayüway ñi kimürpual kidu ñi Biblia mew ñi papeltun mu. Fentren kakelu papil dewmangey kidutu ñi kimeltuwal tati pu che, welu ti papil Kümeke dungu dewmangey ñi kellungeal pu che kiñe kimeltuchefe engu. Feymew, elufiliyiñ tati pu che tüfachi papil, pengelafuiñ chumngechi chillkatungekey, femngechi ti ngen ruka ngüneduamay fente ñi ayüwün-ngen kimürpual Biblia tañi küme dungu (Mat. 13:44).
2. ¿Chumngechi pengelafuiñ ti papil Kümeke dungu wünen rupa taiñ nütramkalelfiel ti che?
2 Wünen rupa tami nütramkalelfiel: Feypiafuymi chi: “Witranmamekefiñ tati pu che müna rakiduamkülelu am chem ñi rupayal küpalechi antü mew. ¿Chem pimi kay? ¿Doy kümelkaletuay ti mongen? [Elunge tami wiñoldungungeal.] Tati Biblia niey fentren kümeke dungu taiñ eluaetew maneluwün. Tüfa mew müley kiñeke ramtun dungu ñi wiñoldunguel ti Biblia.” Fey eluafimi tati che kiñe papil, ka feypiafuymi tañi dullial kiñe ramtun furitulelu papil mew. Fey pengelafuymi chumngechi ñi yengeel ti chillkatun tati wünen parrafo mew. Kam feypiafuymi kiñe ramtun pu che ñi duamtunieel eymi tami dulliel, fey ka pengelafuymi chumngechi ñi kelluaetew ti papil tañi kimal ti wiñoldungun Biblia mew. Kiñe video mülele tüfachi kimeltun mu jw.org mu, kiñe amuldungukelu pengelelfingün ñi amuldungun mu.
3. ¿Chumngechi femngeafuy ti chillkatun ti papil Kümeke dungu mew?
3 Chumngechi femngeafuy ti chillkatun: 1) Papeltufinge ti kurülechi ramtun rakilelu, femngechi kelluafimi tati che ñi longkontukuafiel tati doy falin dungu. 2) Papeltufinge ti inalechi parrafo. 3) Papeltufinge tati versikulo “Chillkatunge” feypilelu, ka küme rakiduam mu ramtuafimi tati che tañi kimal chumngechi ti Biblia wiñoldungukey tati ramtun. 4) Ka parrafo mülele feychi ramtun dungu mew, wiño femaymi tati dungu epu ka küla. Petu pengelnofilmi kiñe video koneltulelu ti ramtun dungu mu, pengelelafuymi ti chillkatun mu. 5) Afle, ramtuafimi tati ramtun rakilelu, femngechi küme kimaymi ti che ñi adümniefiel ti dungu.
4. ¿Chem kelluaeiñmu taiñ küme adümnieafiel tüfachi papil?
4 Küme kimafimi tüfachi falin papil, duamfalngelu taiñ küdaw mew. Chumül rume kimelelafimi tati pu che tüfachi papil mew. Petu tamu chillkatunofiel ti papil, rakiduamaymi tati chillkatukelu, ka chumngechi doy küme rakiduamelelafiel chillkatun mu ti Biblia mew (Prov. 15:28; Hecho 17:2, 3). Doy küme adümuwülmi, fey doyümnierpuafimi tüfachi papil tami kimeltuafiel tati pu che ti rüf dungu.