Nieael weni, müley tami küme weningeael

Rüf weniyewal, müley ñi piwkeyewal. Doy amule tami kimün ta Jewba mu, doy amuay tami piwkeyefiel ka tami ayüwün poyen. Tüfa yafülaymu tami inanieafiel Jesukristo (Matew 28:19). Rumel weniyeafimi Dio, kiñewülmi ayüwün trokiñ che tati pu dungukelu iney ngen Jewba, pu reñmawen reke trürlu engün. ¿Chumafuymi eymi tami konal feymu?

Pengelnge tami piwkeyefiel Dio, feyentuniel ñi dungu. “Tati rüf dungu mew piwkeyefilu ta Ngünechen [Dio] ka feley tañi müngeltuñmayafiel kisu ñi werkün dungu. Fey kisu tañi werkün dungu [ürkünngelay].” (1 Juan 5:3.)

Tami kimün Dio mu, müley tami femal. Jesu feypi kiñe epew, fey kelluaymu tami peafiel tüfachi dungu. Kiñe wentru kimlu dewmay tañi ruka kiñe mapu kurangelu mu, ka kiñe wentru wedwed reke dewmay wente kuyüm. Küpay kiñe kürüftuku mawün, feyti ruka dewmal kura mapu mu nengümlay rume, tranarupalay, welu feyti dewmal wente kuyüm mapu mu, yafawkülen tranarupay. Jesu feypi, feyti pu che allkütuñmatu ñi kimeltun ka femi, fey trürümfali feyti kim wentru mu dewmalu ñi ruka kura mapu mu. Ka feypi, feyti allkütuñmatu ñi kimeltun welu femlay, trürümfali feyti wedwedchi reke wentru mu dewmalu ñi ruka wente kuyüm mapu mu. ¿Chuchi epu tüfachi wentru mu küpa trürümfaluwimi eymi? (Matew 7:24-27.)

Wüluwnge Dio mu. Femafuymi kiñe ngütramkan Jewba emu, feymu feypiafuymi kom rumel femaal kidu tañi ayüniel. Femülmi Dio tañi ayüniel, pengelaymi tami inaniefiel Jesukristo (Matew 11:29).

Ñamkonge ko mu. “Ñamkonge ko mu ka küchaymi tami yafkan maneluwün ñi üy [Jesu] mu.” (Hecho 22:16, NM).

Küdawnge tami poyeal ta Dio, kom tami piwke mu. “Kom tamün femkeelchi küdaw, femkeaymün küme duamkechi, Ñidol [Jewba, NM] tamün poyepefiel reke.” (Kolosense 3:23.)