KIMELTUN 8

¿Chumngelu am lay Jesu?

Jesu lay kom iñchiñ taiñ rumel mongeleal Juan 3:16

Pu domo lelimekeyngün Jesus ñi wellilechi rüngan lolo mu

Küla antü rupalu tañi lan Jesu, kiñeke domo amuyngün tati rüngan lolo mew, welu wellilerkey. Jewba wiñomongeltufi ta Jesu.

Tati pu apostol mu pewfaluwi Jesus, fey wenu mapu mu püratuy

Rupan antü, Jesu pewfaluwi tañi pu weni, pu apostol.

Ngünechen wiñomongeltufilu ta Jesu, elufi kiñe püllüngechi kuerpu. Ñi pu inaniekeetew penieeyew engün ñi püraletun wenu mapu mew. Fewla kiñe newen küme püllü ngetuy, chumkawnorume lawelayay.

Ngünechen wiñomongeltufi ta Jesu, ka üytufi ñi ngünenieal Apokalipsi 11:15

Tati Ngünenien mu, Jesus tañi ülmen mülewe mew, ngüneniefi tati pu che mülelu küme mülewe ti Mapu mu

Jesu wüli ñi mongen tañi montulafiel kom pu che ñi kulpan mu, ka ñi lan mu (Matew 20:28). Ñi fürenen mu tüfa, Ngünechen eluafeiñmew afnoachi mongen.

Jewba üytufi Jesu, wenu mapu mu tañi ngünenieafiel tüfachi Mapu. Welu kidu müten ngünenielayay. Ka kiñe pataka meli mari meli warangka che feyentulelu, mongeleayngün wenu mapu mu, wiñomongetule engün. Tüfachi nor ngünenieal, fey ta Ngünechen ñi Ngünenien (Apokalipsi 14:1-3).

Feychi Ngünenien wekünutuafi kom tüfachi Mapu ñi küme mülewe ngetual. Ngewetulayay weychan, wedake che, filla no rume, ka ngüñün. Kom pu che rüf ayüwküleayngün (Salmo 145:16).