KIMELTUN 8
¿Chumgelu (chemu) Dio eluñmay wedake dungu ka kutrankawün?
1. ¿Chumgechi tuwi ta wedake dungu?
Dio eluñmay pu wentru ñi ngüneniewkülen alüñma mu, ñi pengelal fey engün pepil-lay ñi apümüñmayafiel ta che ñi wedake dungu.
Satana feypilu ti wünen koyla, feychi mu tuwi ta wedake dungu. Kidu enkañgenolu küme werken püllü ngefuy, welu “inakelafi ti rüfngechi dungu” (Juan 8:44). Ayüduamürpuy kidu ñi poyengeal, welu müley ñi poyengeal Dio müten. Kiñe koyla mu, rulpapiwkefi Eva, ti wünen domo feyentueyew, welu Dio femlafi. Adan kiñewi ñi domo engu ñi feyentunon. Feyti ñi dulliel (ngümintuel) küpali kutrankawün ka lan. Chillkatunge Génesis 3:1-6, 19.
Satana tükuduamelfi Eva ñi feyentunoafiel Dio, feymu Satana llituy (ellaka mu) ti wentruwün Dio mu. Pilay ñi llowal ñi ngünenieaetew Dio, ka dungu mu, Jewba müten müley kom ñi ngünenieal, kidu müten Doy Alüpüralelu. Epe kom che kiñewküley Weküfu engün ñi famentual Dio ñi ngünenieel, feymew Satana ‘longkoley tüfachi mapu mew’ ngerpuy. Chillkatunge Juan 14:30, ka 1 Juan 5:19.
2. ¿Niey enkañ Dio ñi dewman?
Dio ñi dewmaelchi dungu enkañgelay. Ti wünen che ka ti pu werken püllü pepilfuyngün ñi fenyentuafiel Dio itrokom dungu mu (Deuteronomio 32:4, 5). Dio elueiñmew taiñ dulliafiel (ngümintuafiel) küme femal kam weda femal. Tüfa elueiñmew taiñ pengelal taiñ piwkeyefiel. Chillkatunge Santiaw 1:13-15, ka 1 Juan 5:3.
3. ¿Chumgelu (chemu) eluñmakey Dio ti kutrankawün?
Jewba eluñmakey tüfachi wentrukawün tañi ngünenieal pichiñma mu. ¿Chumgelu (chemu)? Ñi pengelal Dio ñi ngünenien kidu müten pepili ñi kümelkayafiel kom pu che (Eclesiastés 7:29; 8:9). Dew rupalu kayu warangka tripantu ñi elgemüm che Mapu mu, welu felekay tüfachi dungu: pu che longkolelu pepilay ñi apümafiel norgenochi dungu, pu feyentukenofilu chem pin ta ley dungu, ti awkan (weychan), ka kutran rume. Chillkatunge Jeremías 10:23, ka Romanu 9:17.
Welu eluñmaliyiñ taiñ ngünenieetew Dio, nieayiñ fentren kümelkan (Isaías 48:17, 18). Epe puwi, Jewba ñi apümkayafiel kom pu wentru ñi ngünenieel. Tati pu che dullifile ñi ngünenieaetew Dio müten, müleayngün Mapu mu (Isaías 11:9). Chillkatunge Daniel 2:44.
Pefinge ti video ¿Chumngelu Ngünechen petu katrütulafi ñi mülewenoal kutrankawün?
4. ¿Chem eluñmaeiñmew taiñ femal Dio ñi ngenoafeluwün-ngen (paciencia)?
Satana feypi kiñe che no rume rüf piwke mu poyekelafi Dio. Dio ñi ngenoafeluwün-ngen (paciencia) mew, kom iñchiñ pengelafuyiñ Satana koylatufe ngey, chumgechi yekeiñ taiñ mongen, ka ingkanieyiñ Dio ñi ngünenieel müten, welu wentru ñi ngünenieel no. Chillkatunge Job 1:8-12, ka Proverbios 27:11.
5. ¿Chumgechi dulliafuyiñ taiñ ngünenieetew Dio?
Taiñ dulliel (ngümintuel) mu, pengelaiñ taiñ ayüwkülen taiñ ngünenieaetew Dio
Wüne, müley taiñ inaduamal chumgechi ayükey Dio tañi poyengeal, ka yenieal ti rüf religion, fey tañi kimeltun mülen Biblia mew (Juan 4:23). Ka inafiliyiñ Jesu ñi inayentu dungu, koneltukelayiñ politiko dungu mu, ka awkan (weychan) dungu mu, feymew famentuleyiñ Satana ñi ngünenieel. Chillkatunge Juan 17:14.
Satana pünekey tañi newen ñi fültükuafiel ta che ñi wimtual üñfitun dungu ka ñiwan dungu mew. Wemüfiliyiñ feychi wedake dungu, taiñ pu weni ka taiñ reñma (pu che) ayentuafeiñmew, ka kayñetuafeiñmewchi (1 Pedro 4:3, 4). Rupafule tüfa, kintuafiyiñ kompañ-nieafiyiñ feychi piwkeyefilu Dio, ka feyentuafiyiñ Dio ñi kümeke ley dungu. Femgechi, pengelayiñ Satana ñi koylatun, feypilu ta iney (iñi) no rume feyentuay Dio rupale wedake dungu. Chillkatunge 1 Korintio 6:9, 10, ka 15:33.
Dio rume piwkeyeeiñmew ta iñchiñ, rüf feleay ñi apümafiel ta kutrankawün ka wedake dungu. Feychi pu che pengelkelu tañi mupiltun koneltuleayngün Dio mu, afnoachi mongen nieay tüfachi Mapu mew. Chillkatunge Juan 3:16.