Kakewmepe chumngechi tami dungumeken

Matew 10:⁠27

DUAMFALI TAMI KIMAL: Kakewmepe chumngechi tami dungumeken kiñeke mu. Femngechi küme kimfalkünuaymi ti kimeltun ka doy küme puway pu che ñi piwke mu.

CHUMAFUYMI

• Kiñeke mu doy newentu dunguafuymi. Newentu dunguafuymi tami pengelal ti doy falinke dungu tami feypin mu, yafültukuafiel pu che ñi küme femal, ka pengelal tami ayüwün. Ka femngechi femafuymi papeltulmi Biblia mu kiñe che ñi kondenamekengen. Kafey feypilmi “fütra dungu ta tüfa”, “kamapuley” kam kakelu femngechi dungu, doy newentu dunguafuymi. Müte newentu dungulayaymi nütramkalmi ñi rupan kiñe che llükalelu, fill rakiduamkülelu kam weñangkülelu. Ka femngechi femafuymi tami kelluafiel pu che tami doy küpa allkütuaetew.

• Ñochi dunguafuymi kam matu dunguafuymi. Küpa ayüwelfilmi pu allkütukelu, pichi matu dunguafuymi. Kafey ñochi dunguafuymi tami feypial kiñe falin dungu.