6 KIMELTUN

Küme kimfalkünufinge ti texto

Matew 12:⁠1-8

DUAMFALI TAMI KIMAL: Re papeltulayaymi kiñe texto, doy may kimfalkünuafimi. Kellufinge pu che ñi ngüneduamal chumngechi nüwküley ti texto ka tami kimeltumeken.

CHUMAFUYMI

Pengelnge chem doy falin-ngey ti texto mu. Papeltufilmi wüla, pengelnge chem dungu ti texto mew nüwküley tami kimeltumekeel mu. Tami femal tüfa, wiño feypiafuymi tati doy falin-ngechi dungun kam feypiafuymi kiñe ramtun ñi kelluafiel pu che tañi ngüneduamafiel.

Tami doy kimfalkünual chem pengeli ti texto, feypiafuymi kiñeke dungun mülenolu texto mu. Welu, femngechi femülmi, kimfalngepe chem dungu ti texto mew nüwküley tami kimeltumeken mu.
Küme pengelnge chem küpa kimeltukeymi ti texto mu. Wüne feypilmi chumngelu (chemu) papeltuaymi ti texto, fey wüla pengelnge chumngechi tati doy falinke dungu ti texto mu nüwküley tami küpa kimeltumekeel mu.

Petu ngüneduamülmi kiñe texto, nülanienge tami Biblia. Femngechi femülmi, tami pu allkütupeetew ka nülanieafi kiduke tañi Biblia. Fey ngüneduamay engün tami kimeltumeken Biblia ñi feypin.
Küdawngenon mu pengelnge chem kimeltuy ti texto. Kiñe dungu kellunole ñi doy adümngeal ti kimeltun tati texto mew, doy kümeafuy tami feypinoafiel. Wüne ngüneduamafuymi tunte kimniey tami pu allkütukeetew. Fey rakiduamnge chem duamfalngey tami feypial, femngechi ñi küme adümafiel engün ti kimeltun.