Pu kurewen, ¿chumafuy tañi doy kiñewküleal?

Abraam engu Sara epuñpüle piwkeyewkefuyngu ka yamniewkefuyngu, feymu inayentufali (Gé 12:⁠11-13; 1Pe 3:⁠6). Femlu rume, kiñeke mu yafkawingu ka rupay wedake dungu tañi kurewen mu. Feymu pu kurewen ngüneduamfile ñi küme femün Abraam engu Sara, ¿chem kimürpuafuyngün?

Rume falin-ngey tamu küme nütramkawal. Kafey tami afkadi fente tañi weda duamken weda entule tañi feypin, ¿chumafuymi? Illkutufemlayafimi, doy may eluwnge tami pepilafiel (Gé 16:⁠5, 6). Eluwmu tamu trür rulpaantüleal. Tami femken ka tami dunguken mu pengelelafimi tami afkadi fente tami piwkeyeniefiel. Welu müley doy falinke dungu tamu femafel: trür papeltuaymu Biblia, trür llellipuaymu ka trür poyeafimu ta Jewba, femngechi tamu doy fülkonküleal kidu mu (Ec 4:⁠12). Inaniefilmu kom tüfachi ngülam, püramyeafimu ta Jewba, kidu eli ti kurewen.

PEFINGE TI VIDEO ¿CHUMAFUYMU TAMU DOY KIÑEWKÜLEAL?, KA WIÑOLDUNGUNGE TI MÜLEYECHI RAMTUN:

• Ti kurewen tripalu ti video mu, ¿chumngelu kimfali tañi kümelkawkülenon engu?

• Pu kurewen, ¿chumngelu fente falin-ngey ñi nütramkawal rüf piwke mu?

• Ti wentru Kiran pingelu ka ti domo Kiara pingelu, ¿chumngechi kellueyew ñi küme femün Abraam engu Sara?

• Kiran engu Kiara, ¿chumingu tañi kümelkawtual engu?

• Pu kurewen, ¿chumngelu duamfali ñi longkontukual tañi rupayal wedake dungu mu?