¿Chem kimürpuafuiñ pu füchalelu mu?

Fentren taiñ pu peñi kam lamngen füchalelu yeniey fentren tripantu tañi poyekefiel ta Jewba. Rume maneluwkeyngün kidu mu, feymu inayentufalingün. Kidu engün kimingün fentren dungu ñi femürpuel Jewba ñi trokiñche. Kafey Jewba ñi kellun mu chaftufingün fillke wedake dungu tañi mongen mu. Fey, ¿chumafuiñ taiñ doy küme kimafiel tüfachi kümeke peñi ka lamngen? Trawüluwliyiñ taiñ familia iñchiñ poyeafiel ta Jewba, mangelafuiñ taiñ nütramelaetew tañi rupan engün.

Eymi füchalelmi, nütramkafinge pu doy wechengelu chumngechi tami kümelkaetew Jewba kom tami mongen mu. Tüfa ñi femün ta Jakob ka Jose. Kidu engu nütramkalelfi pu doy wechengelu chumngechi tañi füreneetew engu ta Jewba (Gé 48:⁠21, 22; 50:⁠24, 25). Kuyfi mu, pu chaw elfalngefuyngün ñi nütramkalelafiel tañi pu pichikeche Chaw Dios ñi dungu (Dt 4:⁠9, 10; Sl 78:⁠4-7). Famülke mu, fentren chaw, ka fentren peñi kam lamngen kimingün chem ñi femürpuel Jewba tañi trokiñche. Feymu eluwkülemün tamün kimeltuafiel pu doy wechengelu.

PEFINGE TI VIDEO FEYPILELU KAYÑETUNGELU RUME, KIÑEWKÜLEYNGÜN, KA WIÑOLDUNGUNGE TI MÜLEYECHI RAMTUN:

• Pu peñi ka lamngen katrütungelu ñi poyefiel ta Jewba, ¿chumngechi kellueyew pu peñi küpalu Betel Austria mapu mu?

• Pu peñi ka pu lamngen katrütungelu ñi poyeafiel ta Jewba, ¿chumingün ñi feyentuleal Jewba mu?

• ¿Chumngelu kiñeke peñi ka lamngen Rumania mapu mu püntüyngün Jewba ñi trokiñche mu? Ka, ¿chumingün tañi norümtual ñi rakiduam?

• Ñi rupan taiñ pu peñi ka pu lamngen, ¿chumngechi yafültukueymu?