Jewba ñi duam mu llükawelayaymi llemay

Moyse elfalngelu tañi femal kiñe fütra küdaw rume llükay, fey pepi femnoalu trokiwkefuy (Éx 4:⁠10, 13). ¿Eymi kay? ¿Moyse reke rupamekeymi? Alüñma yenielmi tami kimeltungen Biblia, fey turpu amuldungunoalu trokiwimi chi. Kam wechengeymi, fey llükaleymi dungual Jewba mu tami colegio mu. Kam amuldunguchelmi rume, llükaleymi amuldungual chew ñi rupaken fentren che kam telefono mu. Chumngechi rupafulmi rume, llellipuafimi ta Jewba tami eluaetew newen (1Pe 4:⁠11). Chem küdaw rume tami eluaetew ta Chaw Ngünechen, kelluaeymu tami wechutriparpual (Éx 4:⁠11, 12).

PEFINGE TI VIDEO FEYPILELU FÜTRA PIWKEKÜNUWPE... PU AMULDUNGUKELU, KA WIÑOLDUNGUNGE TI MÜLEYECHI RAMTUN:

• ¿Chem dungu küdawtukefuy ñi femal taiñ lamngen Haruka?

• ¿Chem kellueyew tañi newentuleal? (Jer 20:⁠7-9).

• Ti lamngen doy küdawelfi ta Jewba, fey ¿chem kümeke dungu llowi?

• Eymi kay, ¿chem dungu küdawtukeymi tami femal amuldungun mu? Welu, ¿chumngechi kelluafeymu Jewba?