QUIMELTUN 06
Ngünechen ta com deumai
Biblia feipi: ‘Ngünechen deumai ta Mapu ca com ñi mülen tüfa mu’ (Hechos 17:24). ¿Ca femngechi raquiduamqueimi eimi? Quiñeque che raquiduamquei quisu huefpai ta mongen, inei no rume deumalafi. Huelu caquelu che raquiduamquei Jehová eli ta mongen. Fei eimi ramtuupelaimi chi: “¿Chau Dios ngünam deumapefi mai ta mongen?”.a Ngüneduamaiñ ñi feipin ta Biblia chumngechi huefün ta mongen ca ñi rüfngepen mai tüfa.
1. Ngünechen, ¿chumngechi deumafi Mapu ca ti callfü huenu?
Biblia feipi: ‘Petu ngenolu chem no rume, Ngünechen deumafi ta callfü huenu ca ti Mapu’ (Génesis 1:1). Fentren quimche ca feipiquei ti callfü huenu ca ti Mapu niei tañi deumaeteu. Fei Ngünechen deumafi llemai, ¿chumngechi? Tañi nehuen meu deumafi itrocom mülelu Mapu mu ca callfü huenu mu (Génesis 1:2).
2. Chau Dios, ¿chumngelu deumafi ti Mapu?
Jehová ngünam deumalafi ti Mapu, doi mai deumafi ñi müleam tati pu che (Isaías 45:18). ¡Felei llemai! Tati Mapu ayüfalngei ca niei com tañi duamnieel pu che ñi mongeleam (papeltuaimi Isaías 40:28 ca 42:5). Feimu pu quimche ñi feipin trüri Biblia ñi feipin meu, Mapu meu müten mülei ta mongen.
3. ¿Trürümngeafuiñ pu culliñ mu?
Chau Jehová hunelu mu deumafi ta Mapu, ca fei hula apolcünufi fillque culliñ ca anümca meu, fei hula deumafi ti che. Adentucünufi quisu tañi chumngen mu (papeltuaimi Génesis 1:27). Huelu, ¿trürngepeiñ mai pu culliñ meu? Femlai tati. Chau Dios elueiñmu taiñ inayentuafiel tañi chumngen, feimu piuqueyechefengeiñ ca quimafuiñ chem ñi cümen ca chem ñi cümenon. Chau Dios elueiñmu fillque dungu, quimürpual quiñe hue quehun dungun, tati musica ca caquelu dungu, com tüfa taiñ ayühulaeteu. Ca femngechi iñchiñ poyeafuiñ ta Chau Ngünechen, huelu culliñ femquelai.
DOI QUIMAIMI
¿Chem pengeli Chau Dios ñi deumafiel com mülelu? ¿Chumngelu maneluhuafuiñ Biblia ñi feipin mu? Pu che ñi chumngen, ¿chem quimeltueiñmu Dios mu? Fei tüfa inaduamafiyiñ.
4. Quisu peufaluulai ta mongen
Tati pu che inayentuquefi pu culliñ, pu challhua, pu üñüm ñi deumayal hueque chemcün. Tañi deumaqueel mu saquingequeingün. Huelu Chau Dios ñi ngen-ngen mu saquingequelai. Peaiñ ti VIDEO, ca ngüneduamaiñ tüfachi ramtun:
Ti pu che, ¿chem inaduamquefi ñi deumayal fillque chemcün?
Quiñe ruca niei tañi deumaeteu. Fei com tati müleyelu Mapu mu, ¿inei ta deumai? Papeltuaiñ Hebreos 3:4, ca ngüneduamaiñ tüfachi epu ramtun:
Chau Dios tañi deumael mu, ¿chem doi afmatuquefiyiñ?
¿Chem pengeli Chau Dios ñi deumael ti Mapu ca ti callfü huenu?
¡Tüfei!
Tami doi quimal peafuimi jw.org mu cheu feipi “¿Deumangepei mai?”. Cafei ti troquiñ “Ñi feipingequeel tati mongen ñi tuhun mu”.
“Com ruca mülei ñi deumayaeteu ta inei rume, huelu Ngünechen deumai com tati müleyelu”.
5. Ñi feipin Biblia feyentufali
Génesis capitulo 1 quimeleiñmu ellaca mu deumangei ta Mapu ca com mülelu tüfa mu. Fei, ¿rüf maneluhuafuiñ ñi feipin Biblia? Peaiñ ti VIDEO, ca ngüneduamaiñ tüfachi epu ramtun:
Biblia ñi feipin, ¿cayu antü meu müten deumangepei mai ti Mapu?
¿Feyentuqueimi mai Chau Dios ñi deumael itrocom? ¿Chumngelu femngechi raquiduamqueimi?
Papeltuaiñ Génesis 1:1, ca ngüneduamaiñ tüfachi ramtun:
Quiñeque cientifico feipiquei ñi deumangeel com tati müleyelu, fei ¿quiñeucülepei mai Biblia ñi feipin mu?
Quiñeque che raquiduamquei Chau Dios eli tati evolucion ñi peufaluhual ta che Mapu meu, ¿rüfngepei mai tüfa? Papeltuaiñ Génesis 1:21, 25, 27, ca ngüneduamaiñ tüfachi ramtun:
Biblia ñi feipin meu, ¿chumngechi peufaluhui pu cullin ca tati pu che Mapu mu?
6. Iñchiñ culliñ reque felelaiñ
Jehová deumai tati pu culliñ ca tati pu che, huelu iñchiñ trürngelaiñ pu culliñ meu. Papeltuaiñ Génesis 1:26, ca ngüneduamaiñ tüfachi ramtun:
Chau Dios deumaeiñmu taiñ piuqueyechefengeal ca cutranpiuqueyechefengeal. Fei tüfa, ¿chem pengeleiñmu Chau Dios mu?
QUIÑEQUE CHE FEIPIAFEIMU: “Biblia ñi feipin Chau Dios deumai itrocom mülelu re epeu müten tati”.
Eimi cai, ¿chem piafuimi?
TAMI QUIMEL
Jehová com deumai, tati mülelu callfü huenu mu ca ti Mapu meu.
¿Chem piafuimi?
Ñi feipin Biblia, ¿chumngechi deumangei com mülelu Mapu mu ca callfü huenu mu?
Biblia ñi feipin meu, ¿chumngechi peufaluhui ta che Mapu mu?
¿Chem mu doicüleiñ pu culliñ mu?
CA PEAFUIMI
Com ñi mülen Mapu meu, pengeli Chau Dios tañi deumaeteu. Pefinge quiñeque.
“¿Chem quimeltuqueiñmu pu culliñ ca pu üñüm?” (¡Tami quimafel! septiembre, 2006)
Jehová com deumai. Fei quiñe chau, ¿chumngechi quimelelafui tañi pu fotüm cam ñahue? Pefinge tüfachi video.
Tati evolucion, ¿trüri Biblia ñi feipin meu? Pefinge.
“Chau Dios, ¿pünefi chi evolucion ñi deumayafiel mongen?” (Troquiñ internet mu)
a Quimeltun 25 inaduamaiñ chumngelu (chemu) elcünueiñmu Chau Dios Mapu mu.