QUIMELTUN 58
Chem dungu rupale rume, nor piuqueyeafimi Jehová
Pu rüfngechi cristiano eluucüleiñ chem no rume taiñ catrütunoaeteu taiñ nor piuqueyenieafiel ta Jehová. Eimi, ¿ca femngechi raquiduamqueimi? Fei Jehová rume falintuniefi tami nor piuqueyefiel (papeltuaimi 1 Crónicas 28:9). Huelu, ¿chem dungu mu cüdaungeafui tami nor piuqueyeafiel ta Jehová? Ca, ¿chem quelluafeiñmu fentecünunoal tami nor piuqueyeafiel ta Jehová?
1. ¿Chem dungu femafui pu che taiñ püntünentuaeteu Jehová mu?
Quiñeque che ayüfui taiñ serfihuenoafiel ta Jehová. ¿Chem che ayüqueingün tüfa? Quiñeque che serfihuenofilu ta Jehová, feula coilaque dungu feipiyahuingün Jehová tañi adcünuelchi troquiñche meu. Femngechi femqueingün ayüquelu cai taiñ püntünentuaeteu Jehová mu. Feitachi che caiñetuquefilu Jehová ñi rüf dungu, “apostata” pingequeingün. Ca mülei loncolechi religioso pachügquiyahulquefi coilaque dungu Jehová tañi pu che mu. Femngechi ngünencaquefingün pu peñi ca pu lamngen cuñihun-ngenolu troquiquefilu ñi feipin engün. Feimu nütramcayal, allcütual, peal cam papeltual chem dungu rume nüucülelu pu caiñetuquefilu ta Jehová, rume cuñihun-ngei. Jesús nütramcalu tüfachi pu che meu feipi: “Femcünufimün. Trauma loncolelu cai tati. Fei quiñe trauma adniefile cangelu trauma, trür ütrüfconai engu rüngan meu” (Mateo 15:14).
Quiñe taiñ piuqueyenieelchi che püntüule Jehová mu, müna huesa duamelafeiñmu. Quisu feipiafeiñmu: “Dullinge, iñche cam Jehová”. Huelu iñchiñ chem rupale rume, eluucüleiñ taiñ nor piuqueyeafiel ta Jehová (Mateo 10:37). Feimu taiñ inanieal Jehová tañi feipin, trahuluulayaiñ feiti pu che püntütripalu Jehová mu (papeltuaimi 1 Corintios 5:11).
2. Taiñ dulliel mu, ¿chumngechi pengelcünuafuiñ taiñ nor piuqueyefiel ta Jehová?
Fente taiñ piuqueyeniefiel mu ta Jehová, coneltulayaiñ chem mu no rume tati coilaque religion meu. Feimu cuñiutucuuqueiñ taiñ cüdau cam chem troquiñche mu taiñ conquen iñchiñ, ñi nüucülenoal tati coilaque religion meu. Feimu Jehová feipieiñmu: “Saquin troquiñche, tripatumün [ti Fütra Babilonia] mu” (Apocalipsis 18:2, 4).
DOI QUIMAIMI
Ngüneduamaiñ chem chumafuiñ taiñ püntünentungenoal Jehová meu. Cafei ngüneduamaiñ chumngelu fente falin-ngei püntüleal ti Fütra Babilonia mu, femngechi taiñ nor piuqueyeafiel ta Jehová.
3. Allcütulayafimi coilaque dungu quimeltungequelu
Allcüfiliyiñ quiñe huesa dungu Jehová ñi troquiñche mu, ¿chem femafuiñ? Papeltuaiñ Proverbios 14:15, ca ngüneduamaiñ tüfachi ramtun:
¿Chumngelu feyentufemlayaiñ taiñ allcütuel?
Papeltuaiñ 2 Juan 10, ca ngüneduamaiñ tüfachi cüla ramtun:
¿Chumngechi yeucüleaiñ tati pu apostata meu?
Dungunofiliyiñ rume pu apostata, ¿ca cheu peafuiñ tañi coilaque quimeltun?
Allcütufiliyiñ pichin rume tati huesaque dungu ñi feipingeel Jehová mu cam tañi troquiñche meu, ¿chum duamcüleai taiñ huenu Chau Jehová?
4. Nor piuqueyeafiyiñ ta Jehová, culpale quiñe peñi cam lamngen
Quimürpuliyiñ quiñe peñi cam lamngen trahunche mu ñi huesa culpan, ¿chem mülei taiñ femal? Ngüneduamaiñ quiñe falin ngülam Jehová ñi elufiel pu israelche cuifi meu. Papeltuaiñ Levítico 5:1.
Chumngechi pengeli tüfachi versiculo quimürpuliyiñ quiñe che ñi huesa culpan, mülei taiñ quimelelafiel pu loncolelu. Huelu petu taiñ nütramcalelnofiel, hunelu mu yafültucuafiyiñ ti culpalu quisu tañi feipilelafiel ñi culpan tati pu loncolelu. Fei ti che cüpa entudungunole tañi culpan, iñchiñ fente taiñ piuqueyeniefiel mu ta Jehová, eluhuaiñ taiñ feipiafiel pu loncolelu. Fei femngechi femliyiñ...
¿Chumngelu pengelaiñ taiñ nor piuqueyefiel ta Jehová?
¿Chumngelu pengelaiñ taiñ nor piuqueyefiel ti culpalu?
¿Chumngelu pengelaiñ taiñ nor piuqueyefiel ti trahunche?
Quiñe peñi cam lamngen huesa dungu concülele, quellufinge.
5. Püntülenge tati Fütra Babilonia meu
Papeltuaiñ Lucas 4:8 ca Apocalipsis 18:4, 5, fei ngüneduamaiñ tüfachi quechu ramtun:
¿Tami üi petu huirintuculei quiñe coila religion ñi registro meu?
¿Coneltulepeimi mai quiñe troquiñche mu nüucülelu coilaque religion meu?
Tami cüdau, ¿nüucülepei mai coilaque religion meu?
¿Mülepei mai quiñeque dungu tami femafel tami püntüleal coilaque religion meu?
“Mai” pilmi quiñe ta tüfachi ramtun meu, ¿chem femafuimi?
Duamfalngele cüme elcünutual tami mongen, tami dulliel mu tüngcülepe tami raquiduam ca pengelngepe tami nor piuqueyefiel ta Jehová.
Quiñeque organizacion quelluchequelu nüucülei coilaque religion mu, ¿chumafuimi pedingelmi tami quelluntucuafiel engün?
QUIÑEQUE CHE FEIPIAFEIMU: “Quimnoli ñi chem pin pu apostata, ¿chumngechi incañpeafun Jehová ñi rüf dungu?”.
¿Cümeafui tami femngechi raquiduamal? ¿Chumngelu am?
TAMI QUIMEL
Taiñ nor piuqueyeafiel ta Jehová mülei taiñ püntüleal com feichi pu che meu püntütripalu Jehová mu ca caiñetuquefilu. Cafei famentuafiyiñ chem dungu rume nüucülelu pu coilaque religion meu.
¿Chem piafuimi?
¿Chumngelu allcütulayaiñ, papeltulayaiñ ca pelayaiñ chem dungu no rume nüucülelu pu apostata meu?
Feiti che pihuenole ñi coneltuleal Jehová ñi troquiñche meu, ¿chumngechi yeucüleaiñ fei iñchiñ?
¿Chumafuiñ taiñ püntüleal coilaque religion meu?
CA PEAFUIMI
Ngüneduamnge chem chumafuimi cangelu che feipile coilaque dungu Jehová ñi pu che meu.
“¿Küme kimniepeymi may kom ti dungu?” (Ti Huerquen agosto, 2018)
¿Chumngechi quimürpuafuimi chem troquiñche cam organizacion nüucülei ti Fütra Babilonia mu?
¿Chumquei quiñeque che taiñ poyehuenoafiel ta Jehová?
Tami quimal chumngelu quiñe sacerdote elcünui tañi coila religion, pefinge ti troquiñ feipilu “Pichicalu iñche, quintuyahulquefun ta Chau Dios”.
“Ti Biblia cüme elcünutueyu ñi mongen” (Ti Huerquen 1 julio, 2011)