TAIÑ CRISTIANO MONGEN
Ayentungelmi, maneluhuaimi Jehová mu
Ayentungeliyiñ, müna cutrantuqueiñmu ca hueñancülqueiñmu. Tati pu ayüquenofilu taiñ religion cüpa huelulcayafeiñmu. Eluuliyiñ taiñ llicalcangeal, cüdautuafuiñ taiñ cüme hueniyenieafiel Jehová. Femngechi dungu mu rupalmi, ¿chumngechi cuñiutucuhuafuimi?
Fentren pu poyequefilu Jehová ayentungequeingün. Huelu maneluulu am ta Jehová mu, feimu cüme tripaqueingün (Sl 18:17). Quiñe ejemplo, Ester nehuencünuhui ca feipifi ti rey ñi chumal ta Hamán. Huesa huentru fel ta tüfa ca ayüfui ñi huesalcayafiel Jehová tañi pu che (Est 7:1-6). Petu tañi nütramcanofiel ti rey, Ester ilai pulihuen. Femngechi pengeli ñi maneluucülen Jehová mu (Est 4:14-16). Jehová quellufi ñi cüme tripayal ñi femün ta Ester, femngechi cuñiutucufi quisu ca com pu judio.
Eimi hueche ayentungelmi, llellipuafimi ta Jehová ca nütramcayafimi tami chau, ñuque cam caquelu fütaqueche. Maneluhuafuimi llemai tami quelluaeteu Jehová chumngechi ñi femfiel ta Ester. ¿Ca chumafuimi ayentungelmi?
PEFINGE TI VIDEO ¿CHUMNGECHI CHAFTUAFUN TI BULLYING? CA HUIÑOLDUNGUNGE TI MÜLEYECHI RAMTUN:
Tañi rupan ta Charlie ca Ferin, ¿chumngechi quelluafui tati pu huechequeche?
Pu chau, pu ñuque, ¿chem quimeltuafeyu tüfachi video?