¿Chumngechi adcünuafuimi tami papeltufiel Biblia?

Tati Biblia eluqueiñmu tati doi cümeque ngülam. Feimu papeltuafiyiñ, raquiduamaiñ taiñ papeltupeel mu ca inayaiñ taiñ quimürpuel, femngechi cümeyahuaiñ taiñ mongen mu (Josué 1:⁠8; Salmo 1:⁠1-3). Cafei papeltufiliyiñ Biblia, quimürpuafiyiñ ta Chau Dios ca tañi Fotüm Jesús, fei tüfa montulafeiñmu (Juan 17:⁠3).

¿Chumngechi adcünuafuimi tami papeltufiel Biblia? Fillque dungu femafuimi. Tüfachi adcünu dungu quelluaimu tami papeltuafiel Biblia com quiñehun mu cam huneque troquiñ meu. Quiñe dungu tami femafel, papeltuafuimi quiñeque troquiñ pengelquelu Chau Dios ñi feipiquefiel ca femquefiel ta pu israelche. Cafei papeltuafuimi caquelu troquiñ pengelquelu chumngechi ñi tremcülerpun tati cristiano trahunche. Fill antü inafilmi tüfachi papel tami quimal tunte capitulo tami papeltuafel, quiñe tripantu mu papeltuafuimi ti Biblia.

¿Ayüafuimi tami nieal quiñe quellu tami papeltuafiel Biblia? ¿Quiñe tripantu mu cüpa papeltupefimi? Cam, ¿hue eluuqueimi chi tami papeltuafiel? Tüfachi papel quelluaimu tati. Feimu fachantü eluhuafuimi tami papeltual. Tüfa tami femafel: entuafuimi tüfachi Adcünu dungu tami papeltuafiel Biblia, cafei entuhuiriafuimi.