Proverbios
4 tañi quim ngüneduamal tati quimquenolu. Cafei ñi elungeal quimün tati hueche ca tañi quim raquiduam nieal. 5 Quiñe quimche allcütuquei ca nierpuquei doi quimün; quiñe adümuhun-ngechi che eluuquei ñi cüme ngülamtungeal. 7 Tami nierpual rüf quimün, hunelu mülei tami yamnieafiel ta Jehová. Huelu tati quimchengenolu duamlafi ñi quimchengeal ca eluuquelai ñi norümngeal. 8 Allcütunge fotüm, tami chau ñi ngülamtun, ca ngoimaquilnge tami ñuque mi quimeleleteu. 9 Tüfa quiñe corona adcülelu tami lonco mu ca quiñe cüme llancatu adelcalelu tami pel mu. 10 Iñche ñi fotüm, tati pu culpafe cüpa ngünencaelmeu, eluuquilnge tami femngeal. 20 Ti rüfngechi quimün huirarcülei rüpü mu, nehuentu dungumequei puque plaza meu. 21 Entui ñi dungun cheu ñi rupaquen fentren che. Tati huaria ñi puerta mu feipi: 22 Eimün pu quimchengenolu, ¿tunteñma mu ayüaimün tamün quimchengenoal? Eimün pu ayentuchequelu, ¿tunteñma mu ayühuaimün tamün ayentucheal? Ca eimün pu huedhued, ¿tunteñma mu üdenieafimün tati quimün? 23 Lloufimün tamün norümfiel. Fei eluhuayiñ iñche tañi nehuen ca quimeleluhuayiñ tañi dungun. 24 Mütrümmütrümyeuqueiñ, huelu pilaimün tañi allcütumuafiel. Cüpa quelluhuyiñ, huelu quiñe no rume ayülaimün tamün quellungeal. 25 Rulpacünuquefimün tañi ngülam ca famentufimün tamün norümtufiel. 33 Feichi che tañi allcütunieteu cüme feleai. Chem huesa dungu no rume llicalcalayayu.