Habacuc
2 ¿Tunteñma am, ahuem Jehová, mülei tañi huiraral quellun mu, fei tami allcünon? ¿Tunteñma am mülei tañi ngillatual tami montulafiel quehuan dungu mu, fei tami chumnon? 3 ¿Chumngelu am pengelelqueen tati huesaque dungu? Ca ¿chumngelu catrütuquelafimi ñi müleal ti illamcahun? ¿Chumngelu mülei apümcahun ca quehuan dungu iñche ñi adquiñ meu? Ca ¿chumngelu fentren yafcahun ca caiñetuhun dungu mülei? 5 “¡Adquintufimün tati troquiñque mapu ca ngüneduamaimün! Tamün antü mu rupayai quiñe dungu, fei feyentulayafimün nütramcangelmün rume, feimu afmatuleaimün. 6 Iñche ta adnieafiñ pu caldeo, feichi pu huesañmangechi che ngüneuquenolu. Quisu engün notucaqueingün fütraque troquiñque mapu, femngechi tañi ngencahual fillque mülehue mu ñi ngen-ngenoel engün. 7 Quisu engün llicafali ca pellquefali. Fei engün elcünuquei quisu tañi nor dungu ca tañi loncolen. 12 Ahuem Jehová, eimi ¿afquentu mülequelaimi am? Ahuem tañi Chau Ngünechen, tati Lifngelu, eimi laquelaimi. Ahuem Jehová, eimi dullifimi tañi castigayal; iñche tañi Fütra Cura, eimi elfalcünufimi ñi femal tüfa. 13 Rume lifngei tami nge tami peal ti huesalcalelu, ayüquelaimi ñi müleal huesaque dungu. Fei, ¿chumngelu chumquelafimi tati pu ngünencachequelu? Ca quiñe huesa huentru huesalcafilu quiñe doi norngechi che, ¿chumngelu ñücüfcüleimi?